ބޮޑު އީދު ބަންދުގައި ޖޫން 26 ވަނަ ދުވަހު ބޭންކިން ހިދުމަތް ދޭނެ ކަމަށް މަރުކަޒީ ބޭންކު -- މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ބުނެފި އެވެ.
ބޮޑު އީދު ބަންދަށް ޖޫން 25 އިން 29 އަށް ސަރުކާރު ބަންދުވާނެ އެވެ.
އެމްއެމްއޭ އިން ކުރި އިއުލާނެއްގައި ބުނީ އެ އޮތޯރިޓީ އާއި ބޭންކްތަކުން ޖޫން 26 ވަނަ ދުވަހު ހިދުމަތް ދޭނެ ކަމަށެވެ.
ބޭންކިން ހިދުމަތް -- ފައިސާ ބަލައިގަނެ ދޫކުރުމުގެ ހިދުމަތް ދޭނީ އެ ދުވަހުގެ ހެނދުނު 8:30 އިން މެންދުރު 2:00 އަށެވެ. ސިޓީ އާއި ތަކެތި ބަލައިގަތުމުގެ ހިދުމަތް ދޭނީ އެ ދުވަހުގެ ހެނދުނު 8:30 އިން މެންދުރު 2:00 އަށެވެ.
ބޭންކިން ހިދުމަތް ދެމުން ގެންދާނީ މިހާރެކޭވެސް އެއްގޮތަށް އެޕޮއިންޓްމަންޓު އުސޫލުން ކަމަށް އެމްއެމްއޭ އިން ވަނީ ބުނެފަ އެވެ.
