މަންމަ އަށް ބިރުދެއްކި މައްސަލާގައި ހަމަސް ދުވަހަށް މީހަކު ޖަލަށްލުމަށް ހުކުމްކޮށްފި އެވެ.
އޭނާގެ މައްޗަށް ދައުވާ ކުރީ، ޑިސެމްބަރު 30، 2021 ވަނަ ދުވަހު އޭނާ ދިރިއުޅޭ ގޭގެ ތެރޭގައި ހަޑިހުތުރު ބަހުން ވާހަކަ ދައްކައި ތަކެއްޗަށް ގެއްލުންދީ، އޭނާގެ މަންމަ "މަރާލާނެ ކަމަށާއި ކަތިލާނެ" ކަމަށް ބުނެ ތަކުރާރުކޮށް ބިރު ދެއްކި މައްސަލައި ގައެވެ.
މި މީހާގެ މައްޗަށް ހެކިބަސް ދީފައިވަނީ އޭނާ ދިރިއުޅެމުންދިޔަ ގޭގައި މަސައްކަތް ކުރާ އިންޑިއާ މުވައްޒަފަކާއި، އޭނާގެ މަންމަ އާއި ކޮއްކޮގެ އިތުރުން ހާދިސާ ހިނގި ތަނަށް ދިޔަ ފުލުހުންނެވެ.
މި މީހާގެ މައްޗަށް ކުށް ސާބިތުވީ ހެކިންގެ ހެކިބަހުންނެވެ. ދައުލަތުން އެދުނީ މި މީހާއަށް ލުއި އަދަބެއް ދިނުމަށެވެ.
ބިރު ދެއްކުމާއި ތޫނު ހަތިޔާރު ގެންގުޅުން މަނާކުރުމުގެ ގާނޫނުގައި މިފަދަ ކުށަށް އޮންނަ އަދަބަކީ ހަ މަސް ދުވަހާއި އެއް އަހަރާއި ހަ މަސް ދުވަހާ ދެމެދުގެ މުއްދަތަކަށް ޖަަލަށްލުމެވެ
މައްސަލައިގެ ތަހުގީގުގައި މި މީހާ ހޭދަކުރި މުއްދަތަށް ބަލައި އިއްވި ހަ މަސް ދުވަހުގެ ތެރެއިން އޭނާ ތަންފީޒު ކުރަންޖެހޭނީ ތިން މަހާއި 25 ދުވަހެވެ. ބާކީ ހުރި ދުވަސްތައް އުނިވީ ތަހުގީގުގައި އޭނާ ޖަލުގައި ހޭދަކުރުމާ ގުޅިގެންނެވެ.=