ގދ. ހޯނޑެއްދޫގެ އެމްޑީޕީ ހަރުގެއަށް ބަޔަކު ކަޅުޔެތޮ ޖަހައި ގެއްލުން ދީފި އެވެ.
މިކަންކޮށްފައިވަނީ ރޭގެ ވަގުތެއްގަ އެވެ. ހަރުގޭގައި ހުރި ގޮނޑިތަކާއި މޭޒުތަކާއި އެހެނިހެން ތަކެއްޗައްވެސް ކަޅުތެޔޮ އަޅާފައިވާ ތަން ސޯޝަލް މީޑިއާގައި ދައުރުވަމުންދާ ފޮޓޯ ތަކުންވެސް ފެނެ އެވެ.
ގދ. މަޑަވެލީގައި ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ބަނދަރު ޖަލްސާ ބޭއްވުމަށް ތައްޔާރުކޮށްފައިވާ ތަނުގައިވެސް މިދިޔަ ހަފްތާގައި ވަނީ ރޯކޮށްލާފަ އެވެ. މިކަމާ ގުޅިގެން އެމަނިކުފާނު އެ ރަށުގެ ރައްޔިތުންނާއި ބައްދަލުކުރެއްވީ އެ ރަށުގެ ބަނދަރު ސަރަހައްދުގަ އެވެ.
ރައީސުލްޖުމްހޫރިއްޔާ އިބްރާހީމް މުހައްމަދު ސޯލިހް ކެމްޕޭންގައި ރަށްރަށަށް ކުރައްވާ ދަތުރުފުޅުތަކާ ގުޅިގެން އިދިކޮޅު ފަރާތްތަކުން ރަށްތަކުގައި މުޒާހަރާކުރުން ވެސް މިހާރު ވަނީ ވަރަށް ބޮޑަށް އިތުރުކޮށްފަ އެވެ.
