މާލޭގެ މުއިވެޔޮ މަގުގައި ހުރި ގެއެއްގައި އަލިފާން ރޯވެއްޖެ އެވެ.
އެމްއެންޑީއެފުން ބުނި ގޮތުގައި އަލިފާން ރޯވެފައިވަނީ މ. ހުދުކަނީރު ގޭގެ ގުދަނެއްގަ އެވެ.
ހާދިސާގެ މައުލޫމާތު ލިބުނީ މިއަދު ހެނދުނު 7:45 ހާއިރު ކަމަށާއި އަލިފާން ނިއްވުމަށް ފަޔާ އެންޑް ރެސްކިޔު އިން ހަރަކާތްތެރިވަމުން އަންނަ ކަމަށްވެސް އެމްއެންޑީއެފުން ވަނީ ބުނެފަ އެވެ.
އަލިފާން ނިއްވުމަށް އެމްއެންޑީއެފް ފަޔާ އެންޑް ރެސްކިޔު އިން މަސައްކަތް ކުރަނީ -- ފޮޓޯ: އެމްއެންޑީއެފް
އެމްއެންޑީއެފުން ބުނީ އަލިފާން ކޮންޓްރޯލް ކުރެވިފައިވާ ކަމަށާއި އަލިފާން ރޯވެފަ ހުރީ ހާޑްވެއާ ސާމާނު ރައްކާ ގުދަނެއްގައި ކަމަށެވެ.
މިހާދިސާގައި މީހަކަށް އަނިޔާއެއް ލިބުނު ކަމުގެ މައުލޫމާތު މިހާތަނަށް ލިބިފައިނުވާ ކަމަށް އެމްއެންޑިއެފުން ވަނީ ބުނެފަ އެވެ.