ރިޔާސީ އިންތިހާބުގެ ކެމްޕޭނަށް ރައީސުލްޖުމްހޫރިއްޔާ އަދި އެމްޑީޕީގެ ރިޔާސީ ކެންޑިޑޭޓް އިބްރާހީމް މުހައްމަދު ސޯލިހު މިއަދު ތ. އަތޮޅަށް ވަޑައިގެންފި އެވެ.
ރައީސް ސޯލިހު މިއަދު ތ. އަތޮޅަށް ފެއްޓެވި ދަތުރުފުޅުގައި ފުރަތަމަ ވަޑައިގަތީ ތ. ވިލުފުއްޓަށެވެ.
މި ދަތުރުފުޅުގައި ބަައެއް ވަޒީރުންނާއި ސަރުކާރުގެ ބައެއް ކުންފުނިތަކުގެ އިސްވެރިން ބައިވެރިވެވަޑައިގަންނަވަ އެވެ.
ކުރިއަށް އޮތް ރިޔާސީ އިންތިހާބުގެ ކެމްޕޭންގައި ރައީސް ސޯލިހު މިހާތަނަށް ވަނީ ހއ. ށ. ނ. ރ. ބ. އއ. ވ، މ، ދ. ގއ. ގދ. އަދި ފުވައްމުލަކަށް ވަޑައިގެންފަ އެވެ.
ކެމްޕޭންގައި ރައީސް ސޯލިހު މިހާތަނަށް ވަނީ 100 އަށްވުރެ ގިނަ ރަށަށް ޒިޔާރަތްކުރައްވާފަ އެވެ.