ޕްރޮސެކިއުޓާ ޖެނަރަލް އޮފީހުގެ ޕަބްލިކް ޕްރޮސެކިއުޓާ އަހްމަދު ޝަފީއު އެއްޖިންސުން ގުޅުން ހިންގި ކަމަށް ބުނާ މައްސަލަ ތަހުގީގު ކުރަން ފަށައިފި އެވެ.
ފުލުހުން މިރޭ ބުނީ ޕީޖީ އޮފީހުގެ ވަކީލަކު އެއްޖިންސުން ގުޅުން ހިންގި ކަމަށް ބުނާ މައްސަލައެއް ފުލުހުންގެ ސަމާލުކަމަށް އައިސްފައިވާތީ ބަލަންޖެހޭ ކަންކަން ބަލަމުންދާ ކަމަށެވެ.
ދައުލަތުގެ މީޑިއާގައި ކުރިން ހަބަރު ކިޔާފައިވާ ޝަފީއު އަކީ ޖިނާއީ ބޮޑެތި މައްސަލަތަކުގައި ދައުލަތުގެ ފަރާތުން ކޯޓުގައި ވަކާލާތުވެސް ކުރައްވާ ބޭފުޅެކެވެ.
މީގެއިތުރުން ޕީޖީ އޮފީހުގެ ފަރާތުން މީޑިއާއަށް މައުލޫމާތު ދެއްވާ ބޭފުޅަކީވެސް ޝަފީއު އެވެ.
ޝަފީއުއަށް މިހާރު ކުރަމުންދާ ތުހުމަތު މީގެކުރިންވެސް ބަޔަކު ކޮށްފައިވެ އެވެ. ނަމަވެސް އެ މައްސަލަ ބަލައި ޝަފީއުއަށް އެއްވެސް ފިޔަވަޅެއް އެއްވެސް އިދާރާއަކުން އަޅާފައެއް ނުވެ އެވެ.