ރައްޔިތުންގެ މަޖިލީހުގެ އިންތިހާބުގައި ވޯޓު ދިނުމުގެ ހައްގު ލިބިފައިވާ މީހުންގެ ލިސްޓަށް އިއްޔެގެ ނިޔަލަށް 325 ޝަކުވާ ލިބިފައިވާ ކަމަށް އިލެކްޝަންސް ކޮމިޝަނުން ހާމަކޮށްފި އެވެ.
އިލެކްޝަންސް ކޮމިޝަންގެ ނައިބު ރައީސް އިސްމާއީލް ހަބީބު ވިދާޅުވި ގޮތުގައި އެންމެ ގިނައިން ޝަކުވާ ހުށަހަޅާފައިވަނީ އެޑްރެސް ބަދަލުވެފައި ހުރުމުންނެވެ. އެޑްރެސް ބަދަލުވެގެން 185 ޝަކުވާ ހުށަހަޅާފައިވާއިރު މަރުވެފައިވާ މީހުން ލިސްޓުގައި ހިމެނޭތީ 131 ޝަކުވާ ހުށަހަޅާފައިވެ އެވެ.
މީގެ އިތުރުން ދާއިރާ ބަދަލުވުމުގެ ސަބަބުން ހަތަރު ޝަކުވާ އަދި ލިސްޓުގައި ނަން ނެތުމުން ދެ ޝަކުވާއެއް ހުށަހަޅާފައިވެ އެވެ.
މަޖިލިސް އިންތިހާބުގައި ވޯޓު ދިނުމުގެ ހައްގު ލިބިފައިވާ މީހުންގެ ލިސްޓަށް ޝަކުވާ ހުށަހެޅުމުގެ ފުރުސަތު އެ ކޮމިޝަނުން ހުޅުވާލީ މިމަހުގެ 11 ވަނަ ދުވަހު އެވެ. ވޯޓު ލިސްޓަށް ޝަކުވާ ބަލައިގަތުމުގެ ސުންގަޑިއަކީ މާދަމާ ހަވީރު 3:00 އެވެ.
މަޖިލިސް އިންތިހާބު ބޭއްވުމަށް ހަމަޖެހިފައިވަނީ މާޗް 17 ވަނަ ދުވަހު އެވެ.