ރާއްޖޭގެ ރަސްމީ ރިޒާވް މި އަހަރުގެ މާޗްމަހު ދަށަށް ހިނގައްޖެ އެވެ.
މަރުކަޒީ ބޭންކް -- މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން އާންމުކޮށްފައިވާ ތަފާސްހިސާބުތައް ދައްކާ ގޮތުން މި އަހަރުގެ މާޗް މަސް ނިމުނުއިރު ރަސްމީ ރިޒާވްގައި ހުރީ 541.8 މިލިއަން ޑޮލަރެވެ.
މިއީ މިދިޔަ އަހަރުގެ މާޗް މަސް ނިމުނުއިރު ރަސްމީ ރިޒާވްގައި ހުރި 764.6 މިލިއަން ޑޮލަރާއި އަޅާބަލާއިރު 222.8 މިލިއަން ޑޮލަރު މަދުވުމެކެވެ. އަދި މިއަހަރުގެ ފެބްރުއަރީ މަހު ރަސްމީ ރިޒާވްގައި ހުރި 588.8 މިލިއަން ޑޮލަރާ އަޅާބަލާއިރު 47 މިލިއަން ޑޮލަރު މަދުވުމެކެވެ.
ރަސްމީ ރިޒާވްގެ އިތުރުން ޔޫޒަބަލް ރިޒާވްވެސް ވަނީ މާޗް މަހު ދަށަށް ގޮސްފަ އެވެ.
ކުރު މުއްދަތުގެ ދަރަނި އުނިކުރުމުން މާޗް މަސް ނިމުނުއިރު ޔޫޒަބަލް ރިޒާވްގައި ހުރީ 113.7 މިލިއަން ޑޮލަރެވެ.
ރަސްމީ ރިޒާވްގައި މިއަހަރުގެ ފެބްރުއަރީ މަހު 128.8 މިލިއަން ޑޮލަރު ހުއްޓެވެ.
