މާލޭގެ ބޮޑުރަސްގެންފާނު މަގުގައި ހުރި ކެފޭއެއްގެ ދުންހޮޅިން ބަދިގެއަށް ދުން ލީކުވުމާ ގުޅިގެން ހަތް މީހަކު އަނބުރާ ގަތުމާ ގުޅިގެން ހޮސްޕިޓަލްގައި ފަރުވާ ދޭން ފަށައިފި އެވެ.
ފުލުހުން ބުނީ މިހާދިސާގެ މައުލޫމާތު ރިޕޯޓްކޮށްފައިވަނީ މިއަދު ފަތިހު 5:50 ހާއިރު ކަމަށެވެ.
ހޮސްޕިޓަލަށް ގެންދިޔަ މީހުންގެ ތެރޭގައި ހިމެނެނީ ނޭޕާލް ތިން މީހަކާއި، ބަންގްލަދޭޝްގެ ދެ މީހަަކާއި، އިންޑިއާ މީހެއްގެ އިތުރުން ލަންކާ މީހެކެވެ.
މި މީހުންގެ ތެރެއިން ހަ މީހަކަށް އައިޖީއެމްއެޗްގައި ފަރުވާ ދެމުންދާއިރު އެކަކަށް ފަރުވާ ދެނީ އޭޑީކޭ ގައެވެ.
ފުލުހުން ބުނީ އެއްވެސް މީހެއްގެ ހާލު ސީރިއަސް ކަމުގެ މައުލޫމާތު ލިބިފައި ނުވާ ކަމަށެވެ.
މިމައްސަލަ އާއި ގުޅިގެން ބަލަންޖެހޭ ކަންކަން ބަލަމުންދާ ކަމަށްވެސް ފުލުހުން ބުނެފައިވެ އެވެ.