އއ. އުކުޅަހުގައި ދުއްވާފައި ދިޔަ ސައިކަލަކުން ވެއްޓުނު ކުއްޖެއްގެ ހާލު ސީރިއަސްވެއްޖެ އެވެ.
ފުލުހުން ބުނީ މި ކުއްޖާ ވެއްޓުނީ އުކުޅަސް ހިއްކި ސަރަހައްދުން ދުއްވާފައި ދިޔަ ސައިކަލް ކޮންޓްރޯލް ނުކުރެވިގެން ކަމަށެވެ.
މިއަދު މެންދުރުފަހު 14:25 ހާއިރު ހިނގި މިހާދިސާގައި އަނިޔާވީ 17 އަހަރުގެ ފިރިހެން ކުއްޖަކަށެވެ.
އޭނާއަށް މިވަގުތު އަދި ފަރުވާ ދެމުންދަނީ އުކުޅަހު ސިއްހީ މަރުކަޒު ގައެވެ.
މިހާދިސާއާއި ގުޅިގެން ބަލަންޖެހޭ ކަންކަން ހުރުމުން އެކަންކަން ބަލަމުންދާ ކަމަށްވެސް ފުލުހުން ބުންޏެވެ.