މާލޭގެ ދަރުބާރުގެ ކައިރީގައި މާރާމާރީ ހިންގައި ތޫނު އެއްޗަކުން ހަމަލާދިނުމުގެ ތުހުމަތުގައި އިތުރު ބަޔަކު ހައްޔަރުކޮށްފި އެވެ.
ފުލުހުން ބުނި ގޮތުގައި ދަރުބާރުގެ ކައިރީގައި މާރާމާރީއެއް ހިންގައިގެން އުޅޭ ކަމަށް ރިޕޯޓްކޮށްފައިވަނީ ރޭ 10:30 ހާއިރު އެވެ.
މީހަކަށް ތޫނު އެއްޗަކުން ހަމަލާ ދިން ކަމަކަށް ފުލުހުން ނުބުނި ނަމަވެސް މަންޒަރު ދުށް ބައެއް މީހުން ބުނާ ގޮތުގައި ދަރުބާރުގެ ކައިރީގައި ވަނީ ތޫނު އެއްޗަކުންވެސް މީހަކަށް ހަމަލާ ދީފަ އެވެ.
މާރާމާރީ ހިންގި ކަމުގެ ތުހުމަތުގައި ދެ މީހަކު ހައްޔަރުކޮށްފައިވާ ކަމަށް ފުލުހުން ރޭ ވަނީ ބުނެފަ އެވެ.
ފުލުހުން މިއަދު ބުނި ގޮތުގައި މި މައްސަލައާ ގުޅިގެން މިހާތަނަށް ހަތަރު މީހުން ވަނީ ހައްޔަރުކޮށްފަ އެވެ. ނަމަވެސް ތަފުސީލެއް ފުލުހުން ހާމައެއް ނުކުރެ އެވެ.
މާރާމާރީގައި އަނިޔާވި މީހާއަށް ސެނެހިޔަ ހޮސްޕިޓަލްގައި ފަރުވާ ދެމުންދާ ކަމަށާއި އޭނާގެ ހާލު ސީރިއަސް ނޫން ކަމަަށް ހޮސްޕިޓަލުން މައުލޫމާތު ދީފައިވާ ކަމަށް ފުލުހުން ރޭ ވަނީ ބުނެފަ އެވެ.