ހަލާކުވެފައިވާ ފައިސާގެ ނޫޓުތަކުގެ ތެރެއިން 391،957 ނޫޓު މިދިޔަ އަހަރު ނައްތާލާފައިވާ ކަމަށް މަރުކަޒީ ބޭންކް -- މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހާމަކޮށްފި އެވެ.
އެމްއެމްއޭ އިން ހާމަކުރި ގޮތުގައި ނައްތާލި ނޫޓުތަކުގެ ފައިސާގެ އަގު 22.9 މިލިއަން ރުފިޔާއަށް އަރަ އެވެ.
ނައްތާލި ނޫޓުތަކުގެ ތެރޭގައި އެންމެ ގިނައީ 20ރ. ގެ ނޫޓެވެ.
ނައްތާލި ނޫޓުތަކުގެ ތަފުސީލު އިންސައްތައިން
- 5 ރުފިޔާގެ ނޫޓު: 4.3 ޕަސެންޓް
- 10 ރުފިޔާގެ ނޫޓު: 13.5 ޕަސެންޓް
- 20 ރުފިޔާގެ ނޫޓު: 39.9 ޕަސެންޓް
- 50 ރުފިޔާގެ ނޫޓު: 19.7 ޕަސެންޓް
- 100 ރުފިޔާގެ ނޫޓު: 19 ޕަސެންޓް
- 500 ރުފިޔާގެ ނޫޓު؛ 3.2 ޕަސެންޓް
- 1،000 ރުފިޔާގެ ނޫޓު: 0.4 ޕަސެންޓް
އެމްއެމްއޭ އިން މީގެ ކުރިން ހާމަކުރި ގޮތުގައި 2016 އިން 2022 އަށް ޖުމްލަ 1.28 މިލިއަން ނޫޓު ނައްތާލާފައިވެ އެވެ.
އެ މުއްދަތުގައި ނައްތާލި ނޫޓުތަކުގެ ފައިސާގެ އަގު 106.3 މިލިއަން ރުފިޔާއަށް އަރަ އެވެ.
ރާއްޖޭގައި މިހާރު ބޭނުންކުރާ "ރަންދިހަ ފަހެއް" ނޫޓު ސީރީޒް ބޭނުންކުރަން ފެށީ 2016 ވަނަ އަހަރު އެވެ.