ބޭންކް އޮފް މޯލްޑިވްސް (ބީއެމްއެލް) ގެ ޑިރެކްޓަރުންގެ ބޯޑުން އައިޝަތު ނޫރައްދީން އިސްތިއުފާ ދެއްވައިފި އެވެ.
ބީއެމްއެލްގެ ޑިރެކްޓަރުންގެ ބޯޑުން އައިޝަތު ނޫރައްދީން މިމަހުގެ 25 ވަނަ ދުވަހުން ފެށިގެން އިސްތިއުފާ ދެއްވާފައިވާ ކަމަށް އެ ބޭންކުން ވަނީ ބުނެފަ އެވެ.
އައިޝަތު ނޫރައްދީން ބީއެމްއެލްގެ ބޯޑުން އިސްތިއުފާ ދެއްވީ އޭނާ ބޯޑުން ވަކިކޮށްފައިވާ ކަމަށް ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން ސިޓީއެއް ފޮނުވާފައި ވަނިކޮށެވެ.
އޭނާއަކީ ބީއެމްއެލްއަށް އެންމެ ގިނަ ދުވަހު ހިދުމަތް ކުރެއްވި މުވައްޒަފުންގެ ތެރޭގައި ހިމެނޭ ބޭފުޅެކެވެ. އެގޮތުން އޭނާ ވަނީ 42 އަހަރު ބީއެމްއެލްއަށް ހިދުމަތް ކުރައްވާފަ އެވެ.
އައިޝަތު ނޫރައްދީން ވަނީ ބީއެމްއެލްގެ އެކްޓިން ސީއީއޯކަމާއި މެނޭޖިން ޑިރެކްޓަރުކަންވެސް އަދާކުރައްވާފަ އެވެ.