ރާއްޖެއަށް މަސްތުވާތަކެތި އެތެރެކުރި މެލޭޝިއާ ދެ މީހުން ހައްޔަރުކޮށްފި އެވެ.
އެގޮތުން ހައްޔަރުކޮށްފައިވަނީ އުމުރުން 41 އަހަރުގެ ފިރިހެނަކާއި އުމުރުން 44 އަހަރުގެ ފިރިހެނެކެވެ.
މި ދެ މީހުންގެ މައްޗަށް ރާއްޖެއަށް މަސްތުވާތަކެތި އެތެރެކޮށް އެތަކެތީގެ ވިޔަފާރި ކުރާކަމަށް ފުލުހުން ތުހުމަތު ކުރެ އެވެ.
މި ދެ މީހުން ހައްޔަރުކޮށް ކޯޓަށް ހާޒިރުކުރުމުން ދެ މީހުންގެ ބަންދަށްވެސް ކޯޓުން ވަނީ ފަސް ދުވަސް ޖަހާފަ އެވެ.
މި ދެ މީހުންގެ ތެރެއިން އެކަކަށް، މެލޭޝިއާ އެމްބަސީގެ މީހަކާ ބައްދަލު ކުރެވޭނެ އިންތިޒާމު ހަމަޖައްސައިދިނުމަށް ކޯޓުން ދަންނަވާފައިވާކަން ބަންދު އަމުރު ރިޕޯޓުގައި ފާހަގަކޮށްފައިވެއެވެ.