ނ. ހޮޅުދޫގައި ޒަހަމްތަކަކާއެކު ދިވެހި އަންހެނަކު މަރުވެފައި އޮތްވާ ފެނިއްޖެ އެވެ.
ފުލުހުން ބުނި ގޮތުގައި ހޮޅުދޫގެ ގެއެއްގައި ޒަހަމްތަކަކާއެކު އަންހެނަކު އޮތް ކަމުގެ ރިޕޯޓް ލިބުނީ މިއަދު ހެނދުނު 10:10 ހާއިރުއެވެ.
މައްސަލައިގެ ރިޕޯޓް ލިބިގެން ފުލުހުން އެތަނަށް ގޮސް އެ މީހާ ރަށު ހެލްތު ސެންޓަރަށް ގެންދިޔަ ކަމަށް ފުލުހުން ބުނެ އެވެ.
ފުލުހުން ބުނި ގޮތުގައި މަރުވެފައިވަނީ ނ. ހޮޅުދޫ، މާރަނގަ، ޒަކިއްޔާ މޫސާ މަނިކު (50އ) އެވެ.
ހެލްތު ސެންޓަރާއި ހަވާލާދީ ފުލުހުން ވަނީ އެ މީހާ މަރުވެފައިވާ ކަމަށް ބުނެފަ އެވެ.
މިކަމާ ގުޅިގެން ފުލުހުން ހަރަކާތްތެރިވަމުންދާއިރު އިތުރު ތަފްސީލެއް އަދި ނުދެ އެވެ.