ހުޅުމާލޭގައި ހިނގި އެކްސިޑެންޓެއްގައި މީހަކަށް އަނިޔާވެއްޖެ އެވެ.
ފުލުހުން ބުނި ގޮތުގައި މި އެކްސިޑެންޓް ހިނގީ ހުޅުމާލެ ފޭސް އެކެއް އަދި ފޭސް ދެއެއްގެ ބްރިޖު ކައިރީގަ އެވެ.
ކާރަކާއި ސައިކަލެއް ޖެހި ހިނގި މި އެކްސިޑެންޓްގައި ސައިކަލު ދުއްވި މީހާގެ ގައިގެ ބައެއް ތަންތަން މަށައިގެން ގޮސްފައިވާ ކަމަށް މައުލޫމާތު ލިބިފައިވާ ކަމަށް ފުލުހުން ބުނެ އެވެ.
މި އެކްސިޑެންޓާ ގުޅިގެން ބަލަންޖެހޭ ކަންކަން ބަލަމުންދާ ކަމަށް ފުލުހުން ވަނީ ބުނެފަ އެވެ.
މި ފަހުން މާލެ ސަރަހައްދުގައި އެކްސިޑެންޓުތަކެއް ހިނގާ، ދެ މީހަކު މަރުވެފައިވެ އެވެ. އެފަދަ އެކްސިޑެންޓުތައް މަދުކޮށް، މާލޭގެ މަގުތަކަކީ ރައްކާތެރި ތަނަކަށް ހެދުމަށް ޓަކައި ފުލުހުން ވަނީ ޓްރެފިކް ބެލެހެއްޓުން ފުޅާ ކޮށްފަ އެވެ.