ބައިނަލްއަގްވާމީ ތަމްރީން ޕްރޮގްރާމްތަކެއްގައި ބައިވެރިވުމަށް 13 ފުލަހަކު ފުރައިފި އެވެ.
ފުލުހުން ތަމްރީން ފުރިހަމަ ކުރާނީ ތުރުކީ، ސިންގަޕޫރު އަދި ޔުނައިޓެޑް އަރަބް އެމިރޭޓްސް (ޔޫއޭއީ) ގައެވެ.
ތުރުކީގެ ނެޝަނަލް ޕޮލިސް އެކަޑަމީން އިންތިޒާމުކޮށްގެން ހިންގާ އަންޑަގުރެޖުއޭޓް އަދި މާސްޓާސް ލެވެލްގެ ތަމްރީން ޕްރޮގްރާމުގައި 10 ފުލުހުން ބައިވެރިވެ އެވެ.
ސިންގަޕޫރު ޕޮލިސް ފޯސް އިން ހިންގާ ސީނިއާ އޮފިސަރުންގެ އަސާސީ ކޯހުގައި ދެ ފުލުހުން ބައިވެރިވާއިރު ޔޫއޭއީގައި ހިންގާ ޕޮލިސް އެކަޑަމީ އެކްސްޗޭންޖް ޕްރޮގްރާމްގައި އަންހެން ފުލުހަކު ބައިވެރިވެ އެވެ.
މި ތަމްރީންތަކަކީ ގާނޫނު ތަންފީޒުކުރުމާއި، ލީޑަޝިޕް އަދި ފުލުހުންގެ މަސައްކަތުގެ އެކި ދާއިރާތަކުން މީހުން ބިނާކޮށް ހުނަރު އިތުރުކުރުމަށް ކުރިއަށްގެންދާ ތަމްރީންތަކެކެވެ.