މަޝްވަރާއަށް ނުދިއުމުން އެމްޑީޕީއަކީ ބަޔަކު ހިސޯރުކޮށްފައިވާ ޕާޓީއެއްކަން ބޭރުގެ ފަރާތްތަކަށް ޔަގީންވާ ކަމަށް އެމްޑީޕީގެ ކުރީގެ ޗެއާޕާސަން އަދި ރައްޔިތުންގެ މަޖިލީހުގެ ނައިބު ރައީސް ރީކޯ މޫސާ މަނިކު ވިދާޅުވެއްޖެ އެވެ.
ޓްވިޓާ މެދުވެރިކޮށް މޫސަ ވިދާޅުވީ އެމްޑީޕީއަކީ ބަޔަކު ހިސޯރުކޮށްފައިވާ ޕާޓީއެއްކަން ބޭރުގެ ފަރާތްތަކަށް އެނގެނީ އޭނާ އެ ވާހަކަ ވިދާޅުވެގެން ނޫން ކަމަށާއި ސަރުކާރުން އިސްވެ ފެށި މަޝްވަރާތަކަށް އެމްޑީޕީ ނުދިއުމުން އެކަން ސާފުވެއްޖެ ކަމަށެވެ.
އެމްޑީޕީއަށް ވަރަށް ބޮޑަށް ފާޑު ވިދާޅުވެ މޫސަ ވިދާޅުވީ މުޒާހަރާތަކުގައި އަނިޔާތައް ލިބޭ އާންމުން ވެސް އިނގިރޭސި ވިލާތަށް ގެންދަން އެމްޑީޕީގެ އިސްވެރިންނަށް އެނގެންވާނެ ކަމަށާއި އެހެން ނަމަވެސް ހުރިހާ ކަމެއް ރާވާފައި އެމްޑީޕީގެ ވެރިން ކޮންމެ ފަހަރަކު ފިލާއިރު އަނިޔާ ލިބެނީ އާންމު ދެރަ މީހުންނަށް ކަމަށެވެ.
މުސަ ވިދާޅުވީ ފެބުރުއަރީ 7، އަދި 8 ގައި މީހުންނަށް ހިތްވަރު ދިން ގޮތަށް މޭޑޭގައި ވެސް އަދާލަތު ޕާޓީގެ ރައީސް އިމްރާން އަބްދުﷲ ހިތްވަރު ދީގެން ބަޔަކަށް ނިކަމެތިކަން ލިބިފައިވާ ކަމަށާއި ސަރުކާރާ ވާހަކަ ދައްކައި މޭޑޭގެ މުޒާހަރާގައި އަނިޔާ ލިބި ބަންދުގައި ތިބި މީހުނަށް ލުޔެއް ހޯދައިދޭން އަދާލާތާއި އެމްޑީޕީއަށް ގޮވާލައްވާ ކަމަށެވެ.
ރައްޔިތުންގެ މަޖިލީހުގެ ނައިބު ރައީސް ރީކޯ މޫސާ މަނިކު