ޓްރާންސްފޯމަރަކަށް ވަދެ ވައްކަން ކުރަން އުޅުނު މީހަކު ހައްޔަރުކޮށްފި

ހުޅުމާލޭ ދެވަނަ ފިޔަވަހީގައި ހުންނަ ޓްރާންސްފޯމަރަކަށް ވަދެ ވައްކަން ކުރަން އުޅުނު މީހަކު ހައްޔަރުކޮށްފި އެވެ.

ފުލުހުން ބުނީ ހިޔާ ފްލެޓް 13 ކައިރީގައި ހުންނަ ޓްރާންސްފޯމަރުގެ ތެރެއަށް ވަދެ ވައްކަން ކުރަން އުޅުނު މައްސަލަ ފުލުހުންނަށް ރިޕޯޓުކޮށްފައިވަނީ މިއަދު ހެނދުނު 5:30 ހާއިރު ކަމަށެވެ.

މި މައްސަލައިގައި ހައްޔަރުކޮށްފައިވަނީ ނ. މާލެންދޫ، ފެހިއައްސޭރި، އަހްމަދު ރިސްފާން (32އ) އެވެ.

ސޯޝަލް މީޑިއާގައި އާންމުވެފައިވާ ވީޑިއޯއަކުން ފެންނަ ގޮތުގައި ޓްރާންސްފޯމަރުގެ ތެރޭގައި ރިސްފާން އިންދައި ސްޓެލްކޯގެ ދެ މުވައްޒަފުން އޭގެ ތެރެއިން އޭނާ ގަދަކަމުން ނެރެފައިވެ އެވެ.

މީގެ ކުރިން ވެސް އެކި ފަހަރު މަތިން ސްޓެލްކޯގެ ޓްރާންސްފޯމަރުތަކަށް ވަދެ ވައްކަން ކުރަން މަސައްކަތްކޮށް އަދި ވައްކަން ކޮށްފައިވެ އެވެ.