ރާއްޖެއިން މަސް އެކްސްޕޯޓްކުރި މިންވަރު ދަށަށް ހިނގައްޖެ އެވެ.
މަރުކަޒީ ބޭންކް -- މޯލްޑިވްސް މަނިޓަރީ އޮތޯރިޓީ (އެމްއެމްއޭ) ގެ ތަފާސްހިސާބުތައް ދައްކާ ގޮތުން މި އަހަރުގެ ޖެނުއަރީ އިން ސެޕްޓެމްބަރުގެ ނިޔަލަށް ރާއްޖެއިން ބޭރުކޮށްފައިވަނީ 32،157.4 މެޓްރިކް ޓަނުގެ މަހެވެ.
މިއީ ފާއިތުވި 2023 ވަނަ އަހަރުގެ މި މުއްދަތުގައި ރާއްޖެއިން ބޭރުކުރި 58،761.4 މެޓްރިކް ޓަނުގެ މަހާ އަޅާބަލާއިރު 26،604 މެޓްރިކް ޓަނު -- 45.3 ޕަސެންޓް މަދު އަދަދެކެވެ.
މަހުގެ އެކްސްޕޯޓް މަހުން މަހަށް
- ޖެނުއަރީ: 4،475 މެޓްރިކް ޓަނު
- ފެބްރުއަރީ: 6،051 މެޓްރިކް ޓަނު
- މާޗް: 3،787 މެޓްރިކް ޓަނު
- އެޕްރީލް: 4،746 މެޓްރިކް ޓަނު
- މޭ: 4،404 މެޓްރިކް ޓަނު
- ޖޫން: 3،495 މެޓްރިކް ޓަނު
- ޖުލައި: 1،113 މެޓްރިކް ޓަނު
- އޮގަސްޓް: 2،168 މެޓްރިކް ޓަނު
- ސެޕްޓެމްބަރު: 1،916 މެޓްރިކް ޓަނު
ރާއްޖެއިން މި އަހަރު އެންމެ ގިނައިން އެކްސްޕޯޓް ކުރީ ކަޅުބިލަ މަހެވެ.
އެ ގޮތުން ސެޕްޓެމްބަރުގެ ނިޔަލަށް 18.987 މެޓްރިކް ޓަނުގެ ކަޅުބިލަ މަސް ރާއްޖެއިން އެކްސްޕޯޓްކޮށްފައިވެ އެވެ. ނަމަވެސް މިދިޔަ އަހަރުގެ މި މުއްދަތުގައި 47.253 މެޓްރިކް ޓަނުގެ ކަޅުބިލަ މަސް ބޭރުކޮށްފައިވެ އެވެ.
ރާއްޖެއިން މި އަހަރުގެ ސެޕްޓެމްބަރުގެ ނިޔަލަށް 6،966 މެޓްރިކް ޓަނުގެ ރީނދޫ އުރަހަ ކަންނެލި އެކްސްޕޯޓްކޮށްފައިވާއިރު މަސްދަޅު އަދި ޕޯޗްޑްގެ ގޮތުގައި 4،501 މެޓްރިކް ޓަނުގެ މަސް އެކްސްޕޯޓްކުރި އެވެ.