ނެޝަނަލް ހޮޓެލް އެންޑް ގެސްޓްހައުސް އެސޯސިއޭޝަން އޮފް މޯލްޑިވްސް (އެންއެޗްޖީއޭއެމް) ގެ ރޯޑްޝޯ 2024 ގެ އޮފިޝަލް އެއާލައިން ޕާޓްނަރަކަށް އެއާ އަރަބިއާ ހަމަޖައްސައިފި އެވެ.
މި ޕާޓްނާޝިޕްގެ އެމްއޯޔޫގައި އެއާ އަރަބިޔާގެ ފަރާތުން ސޮއިކުރެއްވީ އެއާ އަރަބިޔާގެ ރާއްޖޭގެ ޖެނެރަލް ސޭލްސް އެޖެންޓް (ޖީއެސްއޭ) ލެޓްސް ގޯ މޯލްޑިވްސްގެ ސީއޯއޯ އަދި އޭވިއޭޝަން ހެޑް މުހައްމަދު ބައްސާމް އާދަމް އެވެ. އެންއެޗްޖީއޭއެމްގެ ފަރާތުން ސޮއިކުރެއްވީ އެ އެސޯސިއޭޝަންގެ ރައީސް އަބްދުﷲ ނަޝީދު އެވެ.
ވިޒިޓް މޯލްޑިވްސް އާއި މަޓާޓޯ ގުޅިގެން ބާއްވާ އެންއެޗްޖީއޭއެމް ރޯޑްޝޯ ކުރިއަށްދާނީ އަންނަ މަހުގެ 17 އިން 20 ވަނަ ދުވަހުގެ ނިޔަލަށް ޖޯޖިއާގެ ޓްބިލިސީ އަދި އަދި އަޒަރުބައިޖާންގެ ބާކޫގަ އެވެ.
އޮފިޝަލް އެއާލައިން ޕާޓްނަރުގެ ހައިސިއްޔަތުން، ރޯޑްޝޯގައި ބައިވެރިވާ މީހުންނަށް އެއާ އަރަބިއާ އިން ޑިސްކައުންޓް އެއާފެއާ އަދި ހޮޓެލް ޕެކޭޖްތައް ފޯރުކޮށްދޭނެ އެވެ.
މި ރަސްމިއްޔާތުގައި ލެޓްސް ގޯ މޯލްޑިވްސްގެ ސީއޯއޯ އަދި އޭވިއޭޝަން ހެޑް މުހައްމަދު ބައްސާމް އާދަމް ވިދާޅުވީ މި ޕާޓްނާޝިޕްގެ ސަބަބުން ރާއްޖޭގެ ފަތުރުވެރިކަމުގެ ސިނާއަތަށް ރާއްޖޭގެ ހޮޓާތަކާއި ގެސްޓްހައުސްތަކާއި އިންޑަސްޓްރީގެ މަންދޫބުން ބައިވެރިވުމަށް މަގުފަހިވެގެންދާނެ ކަމަށެވެ.
އެމްއެމްޕީއާރްސީ އިން ބުނި ގޮތުގައި މި ރޯޑްޝޯގެ މަގުސަދަކީ ރާއްޖޭގެ ފަތުރުވެރިކަން ޕްރޮމޯޓްކޮށް ކުރިއެރުވުމެވެ.