މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ މުވައްޒަފެއްގެ ޒާތީ މައުލޫމާތުތަކެއް ލީކުވި މައްސަލައެއް ބަލަން ފަށައިފި އެވެ.
އެމްއެމްއޭ އިން ބުނީ މުވައްޒަފުންގެ ޒާތީ މައުލޫމާތަކީ ރައްކާތެރިކަމާ އެކު ބެލެހެއްޓިފައި ހުންނަންޖެހޭ މައުލޫމާތު ކަމަށްވާތީ އެފަދަ މައުލޫމާތެއް ލީކުވެފައިވާތީ އެ މައްސަލަ ބަލަމުންދާ ކަމަށެވެ.
މިމައްސަލަ ބަލަމުން ދަނީ އެމްއެމްއޭގެ އިންޓާނަލް އޮޑިޓް ޑިޕާޓްމަންޓުންނެވެ.
އެމްއެމްއޭގެ އިސް މުވައްޒަފެއްގެ މައުލޫމާތު ސޯޝަލްމީޑިއާގައި ލީކްކޮށްލީ މި ހަފްތާގެ ތެރޭގައެވެ.
އެމްއެމްއޭ އިން މިމައްސަލަ ބެލުމަށް ފުލުހުންގެ އެހީތެރިކަން ހޯދާފައިވެ އެވެ.
ތަހުގީގު ހިނގަމުންދާ މައްސަލައަކަށްވާތީ އިތުރު ތަފްސީލް އެމްއެމްއޭ އިން ހިއްސާކޮށްފައެއް ނުވެ އެވެ.