ބޭރު ފައިސާއާބެހޭ ބިލުގެ ދެލިކޮޕީއަށް އާންމުގެ ހިޔާލު ހުށަހެޅުމުގެ ފުރުސަތު މަރުކަޒީ ބޭންކް -- މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ހުޅުވާލައިފި އެވެ.
ބިލްގައިވާ ގޮތުން ޓޫރިޒަމް ދާއިރާގެ ހުރިހާ ވިޔަފާރިތަކުންވެސް ކަނޑައަޅާފައިވާ ވަކި އަދަދެއް ބޭންކްތައް މެދުވެރިކޮށް މާރުކުރަން ޖެހޭނެ އެވެ.
މި ބިލްގައި ޓޫރިޒަމް ހިދުމަތްދޭ ތަންތަން ވަނީ ކެޓެގަރީތަކަކަށް ބަހާލާފަ އެވެ.
ކެޓެގަރީތައް
- ކެޓަގަރީ އޭ: ޓޫރިސްޓް ރިޒޯޓުތަކާއި އިންޓަގްރޭޓަޑް ޓޫރިސްޓް ރިޒޯޓުތަކާއި ޕްރައިވެޓް އައިލެންޑްތަކާޢި ރިޒޯޓް ހޮޓާތަކާއި އެނޫންވެސް އެފަދަ ތަންތަން.
- ކެޓެގަރީ ބީ: މީހުން ދިރިއުޅޭ ރަށްރަށުގައި ހިންގާ ޓޫރިސްޓް ހޮޓާތަކާއި ޓޫރިސްޓް ގެސްޓްހައުސްތަކާއި ޓޫރިސްޓް އުޅަނދުތައް.
ކެޓަގަރީ "އޭ" ގައި ހިމެނޭ ތަންތަނުން ކޮންމެ ޓޫރިސްޓަކަށް 500 ޑޮލަރުގެ ރޭޓުން ރާއްޖޭގެ ބޭންކަކަށް ޑޮލަރު މާރުކުރަންޖެހޭއިރު ކެޓަގަރީ "ބީ" ގައި ހިމެނޭ ތަންތަނުން ކޮންމެ ޓޫރިސްޓެއްގެ ބޮލަކަށް 25 ޑޮލަރުގެ ރޭޓުން މާރުކުރަން ޖެހެ އެވެ.
މި ބިލަށް ހިޔާލު ހުށަހެޅުމުގެ ފުރުސަތު ވަނީ ޑިސެމްބަރު މަހުގެ އެއްވަނަ ދުވަހުގެ މެންދުރުފަހު 2:00 އާ ހަމައަށް ހުޅުވާލާފަ އެވެ.