ސިނަމާލެ ޕާކިން ޒޯނުގައި އޮތް ކާރެއްގައި ރޯކޮށްލި މައްސަލައިގައި ހައްޔަރު ކުރި ދެ މީހުންގެ ތެރެއިން އެކެއްގެ ބަންދަށް 15 ދުވަސް ޖަހައިފި އެވެ.
މިދިޔަ ހޯމަ ދުވަހުގެ ރޭ ހިންގި މި އަމަލާ ގުޅިގެން ހައްޔަރުކޮށްފައިވަނީ ދެ ޒުވާނެކެވެ. އެއީ މ. އަރާރަތްކުރި، އުމުރުން 35 އަހަރުގެ ހާލިދު މަހްމޫދު އާއި، އދ. މާމިގިލި، ބްލޫވިންޑް، އުމުރުން 31 އަހަރުގެ ހަސަން ނަސީމް އެވެ.
ކޯޓު އަމުރެއްގެ ދަށުން ހައްޔަރުކުރި މި ދެ މީހުންގެ ތެރެއިން ހަސަން ނަސީމްގެ ބަންދަށް ވަނީ 15 ދުވަސް ޖަހާފަ އެވެ.
އެނގިފައިވާ ގޮތުގައި ބުރުޒުމަގު ސިނަމާލެ ޕާކިން ޒޯނުގައި އޮތް މިކާރުގައި ރޯކޮށްލާފައިވަނީ ދެ ގްރޫޕެއްގެ މެދުގައި ހިންގި ހަމަނުޖެހުމަކާ ގުޅިގެން ބަދަލު ހިފުމަށެވެ.