މަންމައާއި ކޮއްކޮއަށް ވަޅިން ބިރުދެއްކި މީހަކު މާލެ އިން އަނެއްކާވެސް ހައްޔަރުކޮށްފި އެވެ.
މިކުށުގެ ތުހުމަތުގައި މިފަހަރު ހައްޔަރުކޮށްފައިވަނީ 32 އަހަރުގެ މީހެކެވެ.
އޭނާ ހައްޔަރުކޮށް ކްރިމިނަލް ކޯޓަށް ހާޒިރުކުރުމުން ހަތް ދުވަހަށް ބަންދުކޮށްފައި ބެހެއްޓުމަށް ކޯޓުން ވަނީ އަމުރުކޮށްފަ އެވެ.
މި މީހާގެ ބަންދު އަމުރުން އެނގޭ ގޮތުގައި އޭނާގެ މަންމައާއި ކޮއްކޮއަށް ވަޅިން ބިރު ދެއްކީ ފައިސާ ނުދީގެންނެވެ.
އޭނާ ދިރިއުޅުނު ކޮޓަރިން ވަޅިއެއް ފެނިފައިވާ ކަމަށްވެސް ބަންދު އަމުރުގައި ބަޔާންކޮށްފައިވެ އެވެ.
މި ހަފްތާ ތެރޭ މަންމައަށް ބިރު ދެއްކި އެހެން ހާދިސާއެއްވެސް ފެންމަތިވެފައިވެ އެވެ.
އެ ހާދިސާގައި މަންމައަށް ބިރު ދެއްކި 40 އަހަރުގެ ދިވެހި ފިރިހެނަކު ވަނީ ހައްޔަރުކޮށްފަ އެވެ.