ގައުމީ ޝިޕިންގް ކުންފުނި، މޯލްޑިވްސް ސްޓޭޓް ޝިޕިންގް (އެމްއެސްއެސް) ގެ މުވައްޒަފުންނަށް ތަމްރީން ހޯދުމުގެ އެއްބަސްވުމެއްގައި އެމްއެސްއެސް އާއި މެލޭޝިއާގެ މެރިޓައިމް އެކަޑަމީއާ ދެމެދު ސޮއިކޮށްފި އެވެ.
މި އެއްބަސްވުމުގައި އެމްއެސްއެސްގެ ފަރާތުން ސޮއިކުރެއްވީ އެކުންފުނީގެ މެނޭޖިންގް ޑިރެކްޓަރު އަދި ސީއީއޯ އަހުމަދު ޝަރީފެވެ. މެލޭޝިއާގެ މެރިޓައިމް އެކެޑެމީގެ ފަރާތުން ސޮއިކުރެއްވީ އެ އެކެޑަމީގެ ސީއީއޯ އެޑީ އަހުމަދު ކޮޑްޒާލީއެވެ. އެއްބަސްވުމުގައި ސޮއިކުރުން އޮތީ މެލޭޝިއާގެ މެލަކާގައި ހުންނަ އެ އެކެޑަމީގެ ކެމްޕަހުގަ އެވެ.
މި އެއްބަސްވުމުގެ ދަށުން އެމްއެސްއެސްގެ ކަލާސީން ސްކޮލަޝިޕް ލިބޭ ދަރިވަރުންނަށް އެ އެކެޑަމީގެ އެންމެ ޒަމާނީ ވަސީލަތްތައް ބޭނުންކޮށްގެން ތަމްރީނުތައް ހޯދުމުގެ ފުރުސަތު ފަހިވެގެންދާނެ ކަމަށް އެމްއެސްއެސް އިން ހާމަކޮށްފައިވެ އެވެ.
އެގޮތުން ސިމިއުލޭޝަން ޓެކްނޮލޮޖީ އާއި ތަޖުރިބާކާރުންނާއެކު ތަމްރީންތައް ފުރިހަމަ ކުރުމާއި އެ އެކެޑަމީގެ އުޅަނދުތަކުގައި ތަމްރީންތައް ފުރިހަމަކުރުމަށް ފުރުސަތު ލިބޭނެ ކަމަށް އެމްއެސްއެސް އިން ބުނެފައިވެ އެވެ.
ކަލާސީން ސްކޮލަޝިޕަކީ 2021 ވަނަ އަހަރު އެމްއެސްއެސް އިން ތައާރަފް ކުރި ސްކޮލަޝިޕް އެކެވެ.