އެސްޓީއޯގެ ދަށުން ހިންގަމުންދާ ފިއުލް ސަޕްލައި މޯލްޑިވްސް (އެފްއެސްއެމް) ގެ މެނޭޖިން ޑިރެކްޓަރަކަށް ފާތިމަތު އާޝާން އައްޔަންކޮށްފި އެވެ.
އެފްއެސްއެމްގެ މެނޭޖިން ޑިރެކްޓަރަކަށް ފާތިމަތު އާޝާން އައްޔަންކުރީ މިއަދު ކަމަށް އެސްޓީއޯ އިން ވަނީ ބުނެފަ އެވެ.
މިއީ އެސްޓީއޯ ގްރޫޕްގެ އެމްޑީއަކަށް އަންހެން ބޭފުޅަކު އައްޔަންކުރި ފުރަތަމަ ފަހަރެވެ.
ފާތިމަތު އާޝާން ވަނީ އެސްޓީއޯގެ ބައެއް އިސް މަގާމުތައް އަދާކުރައްވާފަ އެވެ.
އެގޮތުން އެސްޓީއޯގެ ސީނިއާ ޖެނެރަލް މެނޭޖަރުގެ މަގާމުގެ އިތުރުން މިފްކޯގެ ޑެޕިއުޓީ ސީއީއޯގެ މަގާމު އަދާކުރެއްވި އެވެ.