ރާއްޖެއަށް މިއަހަރުގެ ފުރަތަމަ ދެ ހަފުތާ ތެރޭގައި 90،659 ފަތުރުވެރިން ޒިޔާރަތްކޮށްފި އެވެ.
ޓޫރިޒަމް މިނިސްޓްރީގެ ތަފާސްހިސާބުތައް ދައްކާ ގޮތުން މި އަދަދަކީ މިދިޔަ އަހަރުގެ މި މުއްދަތުގައި ޒިޔާރަތްކުރި 83،966 ފަތުރުވެރިންނަށްވުރެ 8 ޕަސެންޓް އިތުރުވުމެކެވެ.
ރާއްޖެއަށް އެވަރެޖްކޮށް ދުވާލަކު 6،476 ފަތުރުވެރިން ޒިޔާރަތްކުރެ އެވެ.
ފަތުރުވެރިކަމުގެ ގަދަ 10 ގައުމު
- ރަޝިއާ - 12،920 ފަތުރުވެރިން
- އިޓަލީ - 10،662 ފަތުރުވެރިން
- އިނގިރޭސިވިލާތް - 7،698 ފަތުރުވެރިން
- ޗައިނާ - 6،667 ފަތުރުވެރިން
- ޖަރުމަނު - 5،725 ފަތުރުވެރިން
- އިންޑިއާ - 4،241 ފަތުރުވެރިން
- އެމެރިކާ - 3،028 ފަތުރުވެރިން
- ފްރާންސް - 2،838 ފަތުރުވެރިން
- ކަޒަކިސްތާން - 1،863 ފަތުރުވެރިން
- ރޯމޭނިއާ - 1،839 ފަތުރުވެރިން
ރާއްޖެއަށް މިއަހަރު ޒިޔާރަތްކުރި ފަތުރުވެރިންގެ ތެރެއިން 63،414 ފަތުރުވެރިން -- 69.9 ޕަސެންޓް ޗުއްޓީ ހޭދަކުރީ ރިސޯޓްތަކުގަ އެވެ.
ގެސްޓްހައުސްތަކުގައި 22،684 ފަތުރުވެރިން - 25 ޕަސެންޓް ޗުއްޓީ ހޭދަކުރިއިރު 2،359 ފަތުރުވެރިން ޗުއްޓީ ހޭދަކުރީ ހޮޓާތަކުގަ އެވެ. އަދި 2،203 ފަތުރުވެރިން ޗުއްޓީ ހޭދަކުރީ ސަފާރީތަކުގަ އެވެ.
ފަތުރުވެރިކަމަށް މިވަގުތު ރާއްޖޭގައި 172 ރިސޯޓާއި 825 ގެސްޓްހައުސްގެ އިތުރުން 155 ސަފާރީ އަދި 15 ހޮޓާ ދަނީ ހިންގަމުންނެވެ. މި ތަންތަނުގައި ފަތުރުވެރިންނަށް ހުރި އެނދުގެ އަދަދަކީ 61،464 އެވެ.