އެއްބަފާ ކޮއްކޮގެ ފިހާރައިން ވައްކަން ކޮށްގެން، ހުކުމެއް އިއްވާފައިވާ މީހަކު، ވައްކަމުގެ އެހެން މައްސަލައެއްގައި އަނެއްކާވެސް ހައްޔަރުކޮށްފި އެވެ.
ކޮއްކޮގެ ފިހާރައިން ވައްކަން ކޮށްގެން ކުރިން ހުކުމެއް އިއްވާފައި ވަނިކޮށް، އަނެއްކާވެސް ވައްކަންކޮށްގެން ހައްޔަރުކޮށްފައިވަނީ، ރ. ހުޅުދުއްފާރު މީހެކެވެ.
އުމުރުން މިހާރު 40 އަހަރުގެ އެ މީހާގެ މައްޗަށް ކޮއްކޮގެ ފިހާރައިން ވައްކަން ކޮށްގެން ހުކުމެއް އިއްވާފައިވަނީ، މީގެ ދެ އަހަރެއްހާ ދުވަސް ކުރިންނެވެ.
ވައްކަމުގެ އެހެން މައްސަލައެއްގައި އޭނާ ހައްޔަރުކޮށް، ހޮނިހިރު ދުވަހު ކޯޓަށް ހާޒިރުކުރުމުން އޭނާގެ ބަންދަށް 15 ދުވަސް ކްރިމިނަލް ކޯޓުން ވަނީ ޖަހާފައެވެ.
ބަންދު ރިޕޯޓުން އެނގޭ ގޮތުގައި އޭނާ ވަނީ ސައިކަލެއް ވަގަށް ނަގާފަ އެވެ. މިކަން އޭނާ ކޮށްފައިވަނީ އެހެން މީހަކާ ގުޅިގެން ކަމަށްވެސް ރިޕޯޓްގައިވެ އެވެ.