ޕެންޝަން އޮފީހުގެ ބޯޑަށް ދެ މެންބަރުން އައްޔަނުކޮށްފި އެވެ.
ޕެންޝަން އޮފީހުގެ ބޯޑަށް އައްޔަނުކޮށްފައިވަނީ އަހުމަދު ސަރުވަޝް އާދަމް އާއި އަބްދުލް މަޖީދު އަލީ އެވެ.
ސަރުވަޝް އާއި އަބްދުލް މަޖީދު އައްޔަނުކުރީ ޕެންޝަން އޮފީހުގެ ބޯޑުގައި ޕްރައިވެޓް ސެކްޓަރު ތަމްސީލުކުރާ މެންބަރުންގެ ގޮތުގަ އެވެ.
އިކޮނޮމިކްސް އާއި އެކައުންޓިން ދާއިރާއިން މަތީ ތައުލީމު ހާސިލުކުރައްވާފައިވާ ސަރުވަޝް ވަނީ ފިނޭންސް މިނިސްޓްރީގެ ޗީފް ފައިނޭންޝަލް ބަޖެޓު އެގްޒެކެޓިވްގެ މަގާމު މީގެ ކުރިން އަދާކުރައްވާފަ އެވެ.
ބޭންކިން އަދި ފައިނޭންސިން ދާއިރާއިން މަތީ ތައުލީމު ހާސިލު ކުރައްވާފައިވާ އަބްދުލް މަޖީދު ވަނީ މީގެ ކުރިންވެސް ޕެންޝަން ބޯޑުގެ މެންބަރުކަން ކުރައްވާފަ އެވެ.
