ދިރާގު 3X3 ޗެލެންޖް ބާސްކެޓް މުބާރާތް ފޯރިއާއެކު ނިންމާލައިފި އެވެ.
މި މުބާރާތް ކުރިއަށް ގެންގޮސްފައިވަނީ މިމަހުގެ 13 އިން 19 އަށް ޒުވާނުންގެ މަރުކަޒުގެ އައުޓްޑޯ ކޯޓު ގައެވެ.
ޓައިޓަންސް ބާސްކެޓް އެކެޑެމީން އިންތިޒާމުކޮށްގެން ކުރިއަށް ގެންދިޔަ މި މުބާރާތައް ބޮޑު ތަރުހީބެއް ލިބުނުކަން ދިރާގުން ވަނީ ފާހަގަކޮށްފަ އެވެ. އެގޮތުން މި މުބާރާތުގައި ޖުމްލަ 408 ކުޅުންތެރިން ވަނީ 103 ޓީމަކުން ބައިވެރިވެފަ އެވެ.
ދިރާގުން ބުނި ގޮތުގައި މި މުބާރާތުގެ މަގުސަދަކީ ބާސްކެޓްބޯޅައަށް ޝައުގުވެރިކަން ހުންނަ ކުދިންނަށާއި ޒުވާނުންނަށް، އެ ކުޅުންތެރިންގެ ހުނަރުތައް ދައްކާލައި، ހުނަރުތައް ތަރައްގީކުރުމަށް ވާދަވެރި ޕްލެޓްފޯމެއް ހޯދައިދިނުމެވެ.
މި މުބާރާތް ކުރިއަށް ގެންގޮސްފައިވަނީ އަންހެން އަދި ފިރިހެން ޑިވިޝަން ވަކިން ހަ އުމުރުފުރާއަކަށް ބަހާލައިގެންނެވެ.
މި އުމުރުފުރާތަކަކީ 8 އަހަރުން ދަށް، 10 އަހަރުން ދަށް، 12 އަހަރުން ދަށް، 14 އަހަރުން ދަށް، 16 އަހަރުން ދަށް އަދި 19 އަހަރުން ދަށެވެ.
އެކި އުމުރުފުރާތަކުން ޗެމްޕިއަންކަން ހޯދި ޓީމުތައް
އަންހެން ޑިވިޝަން
- 8 އަހަރުން ދަށް: ޑްރީމާސް
- 10 އަހަރުން ދަށް: އެއާ ބޯލާސް
- 12 އަހަރުން ދަށް: ވޮރިއާސް
- 14 އަހަރުން ދަށް: ފެލްކަންސް
- 16 އަހަރުން ދަށް: އާޖީލަކަށް
- 19 އަހަރުން ދަށް: ލެޕަޑްސް
ފިރިހެން ޑިވިޝަން
- 8 އަހަރުން ދަށް: ހޮޓްވީލާސް
- 10 އަހަރުން ދަށް: ބްލޭޒް
- 12 އަހަރުން ދަށް: ބަގްސް ބަނީ ބީސީ
- 14 އަހަރުން ދަށް: ބްލޫމް ސްކުއަޑް
- 16 އަހަރުން ދަށް: ފެލްކަންސް
- 19 އަހަރުން ދަށް: ގޯޓް އެސް.ސީ
ދިރާގަކީ ރާއްޖޭގައި ބާސްކެޓްބޯލް ފަދަ މަގުބޫލު ކުޅިވަރުތައް ތަރައްގީކޮށް ކުރިއެރުވުމަށް ކުރާ ކަންކަމުގައި އެންމެ ކުރީ ސަފުގައި ބައިވެރިވެ، ދިވެހި މުޖުތަމައުއަކީ ދުޅަހެޔޮ ސިއްހަތެއްގައި ތިބުމަށް ލޯބިކުރާ ބަޔަކަށް ހެދުމަށް ގިނަ މަސައްކަތްތަކެއް ކުރަމުންދާ ކުންފުންޏެކެވެ.
