މިނިސްޓްރީ އޮފް ހެލްތު

10 ރަށެއްގައި ސިއްހީ ހިދުމަތްދޭ ތަންތަން އިމާރާތްކުރަން ހަވާލުކޮށްފި

0%
0%
0%

ރާއްޖޭގެ 10 ރަށެއްގައި ސިއްހީ ހިދުމަތްދޭ ތަންތަނުގެ އާ އިމާރާތް އެޅުމަށް ސަރުކާރުގެ ތިން ކުންފުންޏަކާ ހަވާލުކޮށްފި އެވެ.

ހެލްތު މިނިސްޓްރީން ރޭ ބޭއްވި ރަސްމިއްޔާތުގައި މި މަސައްކަތްތައް ހަވާލުކޮށްފައި ވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އާއި ރޯޑް ޑެވެލޮޕްމަންޓް ކޯޕަރޭޝަން (އާރްޑީސީ) އަދި ފެނަކަ ކޯޕަރޭޝަނާ އެވެ.

އެމްޓީސީސީއާ ހަވާލުކުރި މަޝްރޫއުތައް

  • ހދ. ނެއްލައިދޫ ސިއްހީ މަރުކަޒުގެ އާ އިމާރާތް - 11.1 މިލިއަން ރުފިޔާ | މުއްދަތު 450 ދުވަސް
  • ށ. މިލަންދޫ ހޮސްޕިޓަލުގެ އާ އިމާރާތް - 110.8 މިލިއަން ރުފިޔާ | މުއްދަތު 600 ދުވަސް
  • ކ. ތުލުސްދޫ ހޮސްޕިޓަލުގެ އާ އިމާރާތް - 110.7 މިލިއަން ރުފިޔާ | މުއްދަތު 600 ދުވަސް
  • އއ. ރަސްދޫ ހޮސްޕިޓަލުގެ އާ އިމާރާތް - 185.5 މިލިއަން ރުފިޔާ | މުއްދަތު 780 ދުވަސް
  • ގއ. ވލިނގިލި ހޮސްޕިޓަލުގެ އާ އިމާރާތް - 185.5 މިލިއަން ރުފިޔާ | މުއްދަތު 780 ދުވަސް

މި މަޝްރޫއުތަކުގެ އެއްބަސްވުމުގައި ހެލްތު މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު އަހުމަދު ގާސިމް އެވެ. އެމްޓީސީސީގެ ފަރާތުން ސޮއިކުރެއްވީ މެނޭޖިން ޑިރެކްޓަރު ޑެޕިއުޓީ ކޮމިޝަނާ އޮފް ޕޮލިސް ރިޓަޔަޑް އަހުމަދު ސައުދީ އެވެ.

އާރްޑީސީއާ ހަވާލުކުރި މަޝްރޫއުތައް

  • ނ. ވެލިދޫ ހޮސްޕިޓަލްގެ އާ އިމާރާތް - 108.3 މިލިއަން ރުފިޔާ | މުއްދަތު 540 ދުވަސް
  • އދ. ފެންފުށީ ސިއްހީ މަރުކަޒުގެ އާ އިމާރާތް - 26.8 މިލިއަން ރުފިޔާ | މުއްދަތު 540 ދުވަސް

މި މަޝްރޫއުތަކުގެ އެއްބަސްވުމުގައި ހެލްތު މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު އިސްމާއީލް އަބްދުﷲ އެވެ. އާރްޑީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިން ޑިރެކްޓަރު ބްރިގޭޑިއާ ޖެނެރަލް ރިޓަޔާޑް އަލީ ޒުހެއިރު އެވެ.

ފެނަކަ ކޯޕަރޭޝަނާ ހަވާލުކުރި މަޝްރޫއުތައް

  • ބ. ކުޑަރިކިލު ސިއްހީ މަރުކަޒުގެ އާ އިމާރާތް - 7.6 މިލިއަން ރުފިޔާ | މުއްދަތު 365 ދުވަސް
  • ގއ. ކޮނޑޭ ސިއްހީ މަރުކަޒުގެ އާ އިމާރާތް - 6.7 މިލިއަން ރުފިޔާ | މުއްދަތު 300 ދުވަސް
  • ގދ. ނަޑެއްލާ ސިއްހީ މަރުކަޒުގެ އާ އިމާރާތް - 6.7 މިލިއަން ރުފިޔާ | މުއްދަތު 300 ދުވަސް

މި މަޝްރޫއުތަކުގެ އެއްބަސްވުމުގައި ހެލްތު މިނިސްޓްރީގެ ފަރާތުން ސޮއިކުރެއްވީ ސްޓޭޓް މިނިސްޓަރު އިސްމާއީލް އަބްދުﷲ އެވެ. ފެނަކައިގެ ފަރާތުން ސޮއިކުރެއްވީ މެނޭޖިން ޑިރެކްޓަރު މޭޖަ ރިޓަޔާޑް މުހައްމަދު ނަޖާހް އެވެ.

Send us your opinion
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!
April
SunMonTueWedThuFriSat
303112345678910111213141516171819202122232425262728293012345678910