މި އެޕްރީލް މަހުގެ ހަތަރުވަނަ ދުވަހު އޮތް ރައްޔިތުންގެ މަޖިލީހުގެ ފުރަތަމަ ދައުރުގެ 20 ވަނަ ޖަލްސާއިން ފާސްކުރި ޕްރޮސިކިއުޓަރު ޖެނެރަލްގެ ގާނޫނުއަށް ދެ ވަނަ އިސްލާހު ގެނައުމުގެ ބިލު ރައީސް އަބްދުﷲ ޔާމީން މިއަދު ތަސްދީގު ކުރައްވައިފި އެވެ. މި ބިލު ތަސްދީގް ކުރެއްވުމާ ގުޅިގެން ދިވެހި ސަރުކާރުގެ ގެޒެޓްގައި ވަނީ ޝާއިއު ކޮށްފަ އެވެ.
ވިލިނގިލި ދާއިރާގެ މެމްބަރު ސައުދު ހުސައިން ހުށަހެޅުއްވި އިސްލާހު މަޖިލީހުން ފާސްވީ 50 މެމްބަރުންގެ ވޯޓުންނެވެ. މިބިލަށް ތާއީދު ނުކުރައްވާ 18 މެމްބަރަކު ތިއްބެެވެ.
މި ބިލު ހުށަހަޅަމުން ސައުދު ވިދާޅުވީ މި ބިލުގެ ދަށުން ޑެޕިއުޓީ ޕްރޮސިކިއުޓާ ޖެނަރަލެއް އައްޔަން ކުރުމުގެ ބާރު ގާނޫނުން ލިބިދީފައި ވާނީ ޕްރޮސިކިއުޓާ ޖެނެރަލަށް ކަމަށާއި އަދި ޕްރޮސެކިއުޓާ ޖެނެރަލްގެ ގާނޫނު މިގޮތަށް ބަދަލުގަނައުމުން ދައުވާ އުފުލުމަށް އެއްވެސް ދަތި ކަމެއް ނާންނާނެ ކަމަށެވެ.
ޑެޕިއުޓީ ޕީޖީއަކީ ޕީޖީ ނެތް ހާލަތްތަކުގައި ޕީޖީގެ މަސްއޫލިއްޔަތު އަދާކުރަން ޖެހޭ ބޭފުޅެކެވެ.
ޕީޖީ ބިޝާމް -- ފޮޓޯ: ޕީޖީ އޮފީސް