އަޒީމާ އާދަމް

ގަވަރުނަރު ފިއްލަވަން އުޅުއްވާ ކަމަށް އިއްތިހާދުން ތުހުމަތުކޮށްފި

އެމްއެމްއޭގެ ގަވަރުނަރު ޑރ. އަޒީމާ އާދަމްގެ މައްޗަށް މަނީލޯންޑަރިން ފަދަ ބޮޑެތި ތުހުމަތައް ކުރުމަށްފަހު އެކަމަނާ ފިއްލަވަން މަސައްކަތް ކުރައްވާ ކަމަށް މޯލްޑިވްސް ޔުނައިޓެޑް އޮޕޮޒިޝަންގެ ނަމުގައި ހަރަކާތްތެރިވާ އިދިކޮޅު ފަރާތްތަކުން ބުނެފި އެވެ.

އެ އިއްތިހާދުން ނެރުނު ބަޔާނެއްގައި ގަވަރުނަރު އަޒީމާއަށާއި އެކަމަނާގެ ފިރިކަލުން ފޮރިން ސެކްރެޓަރީ ޑރ. އަލީ ނަސީރަށް ވަނީ ބޮޑެތި ތުހުމަތުތަކެއްކޮށްފަ އެވެ.

އެ ބަޔާނުގައި ބުނަނީ ރާއްޖޭގެ ސިޔާސީ މަޝްރަހު ގޯސްވެ، ހަލަބޮލިވެފައިވާ ދަނޑިވަޅެއްގައި އަލީ ނަސީރު ރާއްޖެއިން ބޭރުގެ ވަޒީފާއަކަށް ހަމަޖެއްސަވާފައިވަނީ ދައުލަތުން ވައްކަން ކުރުމާއި މަނީ ލޯންޑަރިންގެ އަމަލުތަކަށް މަގުފަހިކޮށްދިން ފަރާތްތައް ރާއްޖެއިން ފިއްލެވުމުގެ ފުރުސަތު ހޯދައިދޭން ކަމަށެވެ.

އެކަމަނާ އާއި ފިރިކަލުން އަލީ ނަސީރުގެ މައްޗަށް ތަފާތު ތުހުމަތުތައް ކޮށްފައިވާއިރު އެހެން ބައެއް ތުހުމަތުތައް ވެސް އެ އިއްތިހާދު އުފެދުނީއްސުރެ ދަނީ ކުރަމުންނެވެ.