މި އަހަރުގެ ރޯދަ މަހާއެކު އުރީދޫގެ ފަރާތުން ކަސްޓަމަރުންނާ ބައްދަލުކުރި ޔޫސުފު މިވަނީ ހުރިހާ ރޯދައެއް ހިފާފަ އެވެ. ހުރިހާ މުސްލިމުން ފާހަގަ ކުރަމުންދާ އީދުގެ އުފަލުގައި ޔޫސުފް ވެސް މިވަނީ ބައިވެރިވެފަ އެވެ. އުރީދޫއިން ކަސްޓަމަރުންނަށް އީދުގެ ތަހުނިޔާ އަރިސްކޮށްފައިވަނީ ޔޫސުފަށް ހުރިހާ ރޯދައެއް ހިފުނުކަން އިއުލާނު ކުރުމަށްފަހު ބޮޑު ސުފުރާ އެއްގެ ކައިރިންނެވެ.
މީގެ 30 ދުވަސްކުރިން، އުރީދޫއިން ތައާރަފުކުރި ޔޫސުފަކީ ގިނަ ބައެއްގެ ހިތްތައް ދަމައިގަތް ކުއްޖެކެވެ. އުރީދޫއިން ޔޫސުފާއެކު ނެރުނު ވީޑިއޯގެ ސަބަބުން މުޅި ރާއްޖެ ހިމޭންކޮށްލި އެވެ. ދިވެހި މައިންބަފައިން ވިސްނާލުމަށް ވަގުތުކޮޅެއް ހޭދަކޮށްލި އެވެ. ދަރިން ތަރުބިއްޔަތު ކުރެވެނީ ރަނގަޅަށްބާވައޭ ހިތަށް އެރި އެވެ. ހަގީގަތުގައި ވެސް އެއީ މޮޅު ވީޑިއޯއެކެވެ. އެ ވީޑިއޯއަކީ އުރީދޫއަށް އެވޯޑެއް ދޭ ވަރުގެ މޮޅު، އަސަރުން ފުރިފައިވާ ވީޑިއޯއެކެވެ. އުމުރުން ހަގަސް ޔޫސުފު ރޯދައަށް ބަހައްޓައި، މިހާރު ދިވެހި މައިންބަފައިންނަށް ވީޑިއޯގައި ވަނީ ރަނގަޅު މެސެޖެއް ދީފަ އެވެ.
މީގެއިތުރުން ރޯދައަށް ހުރެ، ޔޫސުފަށް ވަނީ ގިނަ ފިލާވަޅުތަކެއް ވެސް ދަސްވެފަ އެވެ. އެގޮތުން ވަގަށް މެޓާ ކާން އުޅިފައި ވެސް އެ މެޓާ އޭނާ ނުކައި ބޭއްވި އެވެ. މަކަރު ނުހެދުމަށެވެ. އަދި ރޯދަ ވިއްލުމަށްފަހު އެ މެޓާ ކޮއްކޮއަށްދެ އެވެ. އެ މެޓާގެ ބޭނުން ހިފޭނީ ކޮއްކޮއަށް ކަމަށްވާތީ އެވެ. އޭގެ ބޭނުމެއް އޭނާއަށް ނެތީމަ އެވެ.
ރޯދަ މަހު އުރީދޫއިން އާންމުކުރި އެ ވީޑިއޯ އިން ވިލިމާލޭގެ ހިތްފަސޭހަ ދިރިއުޅުން ވެސް ވަރަށް ފުރިހަމައަށް ދައްކައިދެ އެވެ. ދިވެހިންގެ ރީތި ދިރިއުޅުމާއި ރޯދަ މަހުގެ ހާއްސަ ކަންކަން ވެސް އެ ކުރު ވީޑިއޯގައި ދައްކައިދެ އެވެ.
އީދު މުބާރިކު ކިޔުމަށް އުރީދޫއިން އާންމުކުރި ކުރު، 30 ސިކުންތުގެ ވީޑިއޯއިން ވެސް ދިވެހިންގެ ރީތި އާދަކާދައެއް ފެނިގެންދެ އެވެ. އެއީ، އީދު ދުވަހު މުޅި އާއިލާއެކުގައި ކެއުމަށް އިންސާފުކުރާ މަންޒަރެވެ. އަދި އެކަކު އަނެއްކަކާ އަތް ޖޯޑުކޮށް ސަލާމްކޮށް، އީދުގެ ތަހުނިޔާ އަރިސްކުރާ ތަނެވެ. މިއީ ޒަމާނަށް އައި ބޮޑު ބަދަލާއެކު ވެސް ދިވެހިންގެ ކިބައިން ފިލައިގެން ނުދާ ރީތި އާދައެކެވެ. އާއިލީ ގުޅުންތައް ބަދަހިކޮށްދޭ ކަމެކެވެ.