ގއ. މާމެންދޫ ސްކޫލުގައި ތިން ބުރީގެ އާ އިމާރާތެއް އަޅަން 7.9 މިލިއަން ރުފިޔާއަށް އަޒްރޯވާ މޯލްޑިވްސް ޕްރައިވެޓް ލިމިޓެޑާ ހަވާލުކޮށްފި އެވެ.
މާމެންދޫ ސްކޫލުގެ ޖާގައިގެ ދަތިކަމަށް ހައްލެއް ގެނައުމުގެ ގޮތުން އެޑިއުކޭޝަން މިނިސްޓްރީން އެ ސްކޫލުގައި އަލަށް އިމާރާތްކުރަން ނިންމާފައިވަނީ ނުވަ ކްލާސްރޫމް ހިމެނޭ ތިން ބުރީގެ އިމާރާތެކެވެ. އެ އެއްބަސްވުމުގައި އެޑިއުކޭޝަންގެ ފަރާތުން ސޮއިކުރެއްވީ ސީނިއާ ޕޮލިސީ އެގްޒެކެޓިވް އިބްރާހިމް އިސްމާއީލެވެ. އަޒްރޯވާ ލިމިޓެޑުން މެނޭޖާ މުހައްމަދު ތައުފީގެވެ.
މިއަދު ސޮއިކުރި އެއްބަސްވުމުގެ ދަށުން ސޮއިކުރާ ތާރީހުން ފެށިގެން ކުރިއަށް އޮތް 300 އެއްހައި ދުވަހުގެ ތެރޭގައި އިމާރާތް އަޅައި ނިންމަންޖެހޭނެ އެވެ.
އޭ ލެވެލްއަށް މިހާރުވެސް ކިޔަވައިދޭ ދާންދޫ ސްކޫލުގައި އިމާރާތެއް އަޅަން ނިންމާފައިވަނީ ކްލާސްރޫމްގެ ދަތިކަން އޮތުމާއެކު އެކަމަށް ހައްލެއް ގެނެސްދިނުމުގެ ގޮތުން ކަމަށް އެޑިއުކޭޝަން މިނިސްޓްރީން ބުންޏެވެ.