މާލޭގެ ގެއެއްގެ ވައިގޯޅި ތެރޭގައި މީހަކު މަރުވެފައި އޮތްވާ ފެނިއްޖެ އެވެ.
މަރުގެ މި ހާދިސާ ހިނގާފައިވާ ކަން ފުލުހުން ވަނީ ކަށަވަރު ކޮށްދީފަ އެވެ. ބުނީ އެ ހާދިސާގެ މައުލޫމާތު މިއަދު ހެނދުނު ފުލުހަށް ލިބިފައިވާ ކަމަށެވެ.
ފުލުހުން ބުނި ގޮތުގައި މިއަދު ހެނދުނު 10:00 ޖަހާ އެހާކަންހާއިރު މީހަކު މަރުވެފައި އޮއްވާ ފެނުނީ މާލޭގެ ގަލޮޅު ސަރަހައްދުގައި ހުންނަ ގެއެއްގެ އެއްވަނަ ފަންގިފިލާގެ ވައިގޮޅީގެ ތެރެއިންނެވެ.
މަރުވެފައި ވަނީ ޒުވާން ފިރިހެނެއް ކަމަށާއި އޭނާއަކީ ކާކުކަން ދެނެގަތުމުގެ މަސައްކަތް ފުލުހުން ކުރަމުންދާ ކަމަށް ބުންޏެވެ.
މި މައްސަލަ ފުލުހުން ދަނީ ތަހުގީގު ކުރަމުންނެވެ.