މާރާމާރީ ހިންގި ދެ މީހަކު ހައްޔަރުކޮށްފި

މާރާމާރީއަކާއި ގުޅިގެން ދެކުނުގެ ދެވަނަ ސިޓީ ފުވައްމުލަކުން ދެ މީހަކު ހައްޔަރު ކޮށްފި އެވެ.

ފުލުހުން ބުނީ ފުވައްމުލަކުގައި މިދިޔަ މަހުގެ 28 ވަނަ ދުވަހު މީހެއްގެ ގައިގައި ޖަހައި، މާރާމާރީ ހިންގާފައިވާ މައްސަލައަކާ ގުޅިގެން، ކޯޓު އަމުރެއްގެ ދަށުން 25 އަހަރުގެ މީހަކާއި، 22 އަހަރުގެ މީހަކު ހައްޔަރު ކޮށްފައިވާ ކަމަށެވެ.

ހައްޔަރުކުރި ދެ މީހުންނަކީ ވެސް ދިވެހި ފިރިހެނުންނެވެ. ހައްޔަރުކުރި ދެ މީހުންގެ ބަންދާމެދު ގޮތެއް ނިންމަން ކޯޓަށް ގެންދިޔުމުން 10 ދުވަހުގެ މުއްދަތު ދީފައިވެ އެވެ.

އެނގިފައިވާ ގޮތުގައި މި މާރާމާރީގެ މައްސަލަ އާއި ގުޅިގެން ހައްޔަރު ކޮށްފައި ވަނީ މޯލްޑިވިއަން އައިޑޮލްގައި ވިދާލި ލަވަކިޔުންތެރިޔަކާއި އޭނާގެ ކޮއްކޮ އެވެ.