މާލޭގައި ތޫނު އެއްޗަކުން ހަމަލަދީ މީހަކު ޒަހަމްކޮށްލައިފި އެވެ.
ފުލުހުން ބުނީ ތޫނު އެއްޗަކުން ލިބިފައިވާ ޒަހަމްތަކާއެކު އޭޑީކޭ ހޮސްޕިޓަލަށް މީހަކު، ފަރުވާ ހޯދަން އައިސްފައިވާ ކަމުގެ މައުލޫމާތު އެ ހޮސްޕިޓަލުން ފުލުހުންނަށް ރިޕޯޓްކޮށްފައިވާ ކަމަށެވެ. އެއީ މިރޭ 10:51 އެހާކަންހާއިރެވެ.
އެ ހާދިސާގެ އެއްވެސް ތަފްސީލެއް ނުދީ ފުލުހުން ބުނީ އެ ރިޕޯޓާއި ގުޅީގެން ބަލަން ޖެހޭ ކަންކަން ބަލަމުންދާ ކަމަށެވެ. ޒަހަމްވި މީހާއަށް ލިބިފައިވާ އަނިޔާގެ ތަފްސީލެއް އަދި އޭނާއަށް ހަމަލާދިނީ ކޮން ސަބަބަކާއި ގުޅިގެން ކަމެއްވެސް އެނގިފައެއް ނުވެއެވެ.