ފުލުހުންގެ ބޭނުމަށް 200 ބެރިކޭޑް ސަޕްލައި ކޮށްދޭނެ ފަރާތެެއް ހޯދަން އިއުލާނު ކޮށްފި އެވެ.
މުޒާހަރާ ތަކާއި އެކި ރަސްމިއްޔާތު އަދި އެކި ހާލަތްތަކާ ގުޅިގެން މަގު ބަންދު ކުރުމުގައި ބޭނުން ކުރަން 200 ބެރިކޭޑް ހޯދަން ކޮށްފައިވާ އިއުލާނުގައިވާ ގޮތުން އެ ބީލަމުގައި ބައިވެރިވުމަށް އެދޭ ފަރާތްތަކުން ބިޑް ރެޖިސްޓްރޭޝަން ފޯމް ފުރިހަމަ ކުރުމަށް ފަހު އީމެއިލްކޮށް އޭގެ ކޮޕީ ފޮނުވުމުން ބީލަމުގައި ރަޖިސްޓްރީވިކަން އަންގާނެ އެވެ.
ބީލަމުގައި ރަޖިސްޓްރީ ވެވޭނެ އެންމެ ފަހު ވަގުތަކީ މިމަހުގެ 11 ވަނަ ދުވަހުގެ 4:00 އެވެ. ބީލަމަށް ރަޖިސްޓްރީ ކުރަން ދެވިފައިވާ ގަޑީގެ ފަހުން އެއްވެސް ފޯމެއް ބަލައި ނުގަންނާނެ އެވެ. ބީލަން ހުޅުވުން މިމަހުގެ 12 ވަނަ ދުވަހުގެ 11:00 ޖަހާއިރު އިސްކަންދަރު ކޮށީގަ އެވެ.