ސަންގު ޓީވީ

ރައީސްއަށް އިންޒާރުދިން ވީޑިއޯ ލީ ކަމަށް ބުނެ، ސަންގް ޓީވީ ފާސްކޮށްފި

Nov 6, 2015
4
ސަންގްޓީވީގެ މުވައްޒަފުން އެތަނުގެ ތެރޭގައި: ފުލުހުން ވަނީ އެތަނުގެ ހަޑް ޑިސްކްތައް ގެންގޮސްފައި. -- ފޮޓޯ: ސަންގް ޓީވީ
0%
0%
0%

ފުލުހުން މިރޭ ސަންގްޓީވީއަށް ވަދެ، އެތަނުގެ ކޮމްޕިޔުޓަރު ސިސްޓަމްތަކުގެ ހާޑް ޑިސްކްތަކެއް ތަހުގީގަށް ގެންގޮސްފި އެވެ.

ކޯޓު އަމުރެއްގެ ދަށުން ފުލުހުން ސަންގް ޓީވީއަށް ވަނީ މިރޭ މެންދަމު 1:30 އެހާކަން ހާއިރު އެވެ. ޖަނަވަރީ މަގުގައި ހުންނަ ސަންގް ޓީވީގެ އޮފީހަށް ފުލުހުން ވަތް ކޯޓު އަމުރުގައި ބުނެފައި ވަނީ ރައީސް އަބްދުﷲ ޔާމީންއަށް މަރުގެ އިންޒާރު ދީ އާންމު ކުރި ވީޑީއޯއެއް ޔޫޓިއުބަށް އަޕްލޯޑް ކުރި މައްސަލައިގައި ހެކި ހޯދުމެވެ. ލިބިފައިވާ މައުލޫމާތު ކަމަށް ބުނެފައި ވަނީ ޔޫޓިއުބް އިން ދީފައިވާ މައުލޫމާތުތަކާއި އިންޓެލިޖެންސް އެކި މައުލޫމާތުތަކެވެ.

ސަންގް ޓީވީ ފާސްކޮށްފައި ވަނީ އިތުރު މީހަކަށް އެތަނުގެ ތެރެއަށް ނުވަދެވޭ ގޮތަށް ބަންދު ކުރުމަށް ފަހު އެވެ. ރައްޔިތުން މަޖިލީހުގެ ވެލިދޫ ދާއިރާގެ މެންބަރު ހިއްސާވާ އެ ޓީވީއަށް ފުލުހުން ވަނުމާ އެކު އެ ސްޓޭޝަންގެ އޮންއެއާ ވަގުތުން ހުއްޓުމަކަށް އައެވެ. އެތަނުގެ އިސްވެރިން ބުނި ގޮތުގައި އޮންއެއާ ހުއްޓާލަން ޖެހުނީ ސްޓޭޝަން އެއާކުރުމަށް ޓަކައި ބޭނުން ކުރާ ބައެއް ސިސްޓަމްތައް ފުލުހުން ޗެކް ކުރަން ފުރުސަތު ދިނުމަށް އެގޮތަށް ފުލުހުން މުވައްޒަފުންނަށް އެންގުމުންނެވެ.

އެ ޓީވީގެ މުވައްޒަފުންގެ ލޮކަރުތަކާއި ހުރިހާ ކޮމްޕިއުޓަރު ސިސްޓަމްތައް ފުލުހުން ޗެކްކޮށް ހާޑް ޑިސްކްތަކާއި އެހެން ވެސް ބައެއް ތަކެތި ހިފައިގެން ފުލުހުން ނިކުމެފައި ވަނީ ފަތިހު 5:00 އެހާކަން ހާއިރު އެވެ.

ސްޓޭޝަންގެ ސީއީއޯ އިބްރާހިމް ވަހީދު، އަސްވާޑު ވިދާޅުވީ، ރައީސްއަށް އިންޒާރުދިން ވީޑިއޯއެއް އެ ސްޓޭޝަނުން އަޕްލޯޑް ކުރި ކަމަށް ފުލުހުން ތުހުމަތު ކުރި ނަމަވެސް އެއީ ކަނޑައެޅިގެން ދޮގެކެވެ. އަދި އެފަދަ ކަމެއް އެ ސްޓޭޝަންގެ ތެރޭގައި ނުހިނގާނެ ކަމަށް އަސްވާޑް ވިދާޅުވި އެވެ. މީގެ އިތުރުން އޭނާ ވިދާޅުވީ އެފަދަ ކަމެއް މުވައްޒަފަކު ކޮށްފާނެ ކަމަށް އެ ސްޓޭޝަނުން ގަބޫލެއް ނުކުރެވެ އެވެ. ސްޓޭޝަންގެ އޮންއެއާގައި ބޭނުން ކުރާ ބައެއް ސިސްޓަމްތަކުގ ހާޑް ޑިސްކްތައް ފުލުހުން ގެންގޮސްފައިވާތީ އެ ސްޓޭޝަންގެ އޮންއެއާ ދެން ފެށިދާނެ ކަމާ މެދު ސުވާލު އުފެދޭ ކަމަށް ވެސް އޭނާ ވިދާޅުވި އެވެ.

"މި ސްޓޭޝަންގައި އެފަދަ އެއްވެސް ކަމެއް ނުހިނގާނެ ކަމުގެ ޔަގީންކަން ދެން. މި ސްޓޭޝަންގައި އެފަދަ ކަމެއް ހިންގުމަކީ މިތަނުގެ މެނޭޖްމަންޓުން ވެސް ކުރާނެ ކަމެއް ނޫން.،" އަޝްވާޑު ބުންޏެވެ. 

އެތަން ފާސްކުރި ވަގުތު ވެލިދޫ މެންބަރު ޔާމީން އެ ސްޓޭޝަނަށް ވަނުމަށް މަސައްކަތް ކުރެއްވި އެވެ. އެހެން ނަމަވެސް ފުލުހުން ވަނީ އެ ސަރަހައްދު ކޯޑަން ކޮށް ޔާމީންއަށް ނުވަދެވޭ ގޮތް ހަދައިފަ އެވެ. އަދި އެ ޓީވީގެ ވަކީލެއްގެ ގޮތުގައި އިލެކްޝަންސްގައި ކުރިން މަސައްކަތް ކުރެއްވި ހަނީފާ ހާލިދު ވަނީ އެ ސަރަހައްދަށް ޔާމީންއާ އެކު ވަޑައިގެން ފާސްކުރުމުގައި ފުލުހުންގެ ހަރަކާތްތައް ހުރި ގޮތާ މެދު ކަންބޮޑުވުން ފާޅު ކުރައްވައިފަ އެވެ. ހަނީފާ ފާހަގަ ކުރެއްވި ކަންތައްތަކުގެ ތެރޭގައި ސަންގް ޓީވީ ހިންގާ މުޅި އިމާރާތް ފާސްކުރަން އަމުރެއް ނެރެފައި ވުމާއި ބައެއް މުވައްޒަފުން އެތަނުގައި ނެތިން އެ މުވައްޒަފު މަސައްކަތް ކުރާ ވޯކް ސްޓޭޝަން ފާސްކޮށް ތަކެތި ނެގި މައްސަލަ ފާހަގަ ކުރި އެވެ.

"އެންމެންގެ ހާޒިރުގައި ފުލުހުން ޗެކް ކޮށް ތަކެތި ގެންދަން ޖެހެެނީ. އެކަމަކު އެގޮތަކަށް ނީން އަމަލު ކުރީ. މިއީ މިތަުގެ ފަރާތުން ކަންބޮޑުވާ ކަމެއް،" ހަނީފާ ވިދާޅުވި އެވެ.

4 comment
މި ލިޔުމަށް 48 ގަޑި އިރު ވެފައިވާތީ ކޮމެންޓުކުރުމުގެ ފުރުސަތެއް ނެތް. މާފުކުރައްވާ!

އަކަސް

ކީއްވެގެން ބާ މިހާ ލަސްވީ ތަހުޤީޤް؟ ސުވާލު އުފެދޭ. ބައެއް އިސްވެރިން ބަދަލުކޮށްފައި ތިތަހްޤީޤު ކުރިއަށް ގެންދާތީ، ތީގެ މާނަކީ ބައެއްގެ ނުފޫޒުން މައްސަލަ އޮތީ އޮއްބާލާފައިއޭ. އެހެންވިއްޔާ އެބަޔަކަށް ފިޔަވަޅު އެޅެންވާނެ.

ފާސްކުރޭ

ރައީސް އަށް އިންޒާރު ދިން ވީޑިއޯ ޔޫ ޓިއުބް އަށް ލީ ސަންގުޓީވީ ކަމުގައިވާނަމަ ދެން މިހާރު ޔަގީނާއި ގާތަށް އެދިޔައީ އެއީ ސަރުކާރާއި އިދިކޮޅު ފަރާތް ތަކާއި ގުޅުން އޮންނާނެ ކަން ރިޔާސީ ލޯންޗް ކޮޅުގައި އެއްޗެއް ގޮއްވާލި މައްސަލަ އާއި މެދު. މިކަން މިގޮތަށް ވާނެ ކަން ފުރަތަމަ ދުވަހުން ފެށިގެން އަޅުގަނޑުމެން މިދަނީ ބުނަމުންނެވެ. ތިކަމަކީ ބްރޯ އާއި ސަރުކާރާއި އިދިކޮޅު ފަރާތް ތަކާއި ހެދުނު ޑީލެއްގެ ދަށުން ކުރެވިފައިވާ ކަމެކެވެ. ބްރޯ އަށް ރާއްޖޭގެ ނައިބް ރައީސް ގެ މަގާމް ދޭން އިދިކޮޅު ފަރާތް ތަކުން އެވަރަށް އެމަރު ފަލި ޖެހީ އެއީ އޭގެ ބަދަލުގައި ބްރޯ ވެސް ކަމެއް ކޮށްދޭން ޖެހޭނެ ކަމަށް އިދިކޮޅު ފަރާތް ތަކާއި އެކު އެއްބަސް ވެގެން ނެވެ. އެއްވެސް ހާލެއްގައި ސަންގުޓީވީ ގެ ބޮޑުން ތައް ހަދާ ދޮގު ސަރުކާރުން ޤަބޫލުކުރާ ކަށް ނުޖެހޭނެއެވެ. ކާކުތޯ ކުށެއް ކޮށްފައި އެކުށަށް އެއްބަސް ވަނީ. އެއަށް އެއްބަސް ނުޥާނެ އެކަކު ވެސް.. ސަރުކާރުން ޖެހޭނެ ރާއްޖެޓީވީ ވެސް އަދި ބަލާ ފާސް ކުރަން ވަރަށް ރަނގަޅަށް. އަދި ރާއްޖެ ޓީވީގެ ބޮޑުންގެ ގެތައް ވެސް ޖެހޭނެ ވަރަށް ރަނގަޅަށް ފާސް ކުރަން..

އާއް

މުޒާހަރާގެ ބަދަލުގައި އެމްޑީޕީ ހަރުގޭގައި ސަޔެއް ވެސް ބޭއްވިގެން ނުވާނެއެވެ. އަދި އެމްޑީޕީ ހަރުގެ އޮޕަރޭޓް ވެސް ކުރެވިގެން ނުވާނެއެވެ. އެވާން ޖެހޭނެ ޝަރުތަކަށް. މިކަން ކުރެވެން ޖެހޭނެ ސަރުކާރުގެ ސަލާމަތީ ބާރުތަކަށް ވަރަށް ރަނގަޅަށް. އެނޫން ނަމަ އެކަމެއް ނުވީއެވެ. މިހާރު ވަރަށް ރަނގަޅަށް ސާބިތު ވެގެން މިދަނީ ރައީސް ދަތުރު ކުރެއްވި ރަސްމީ ލޯންޗް ކޮޅުގައި އެއްޗެއް ގޮއްވާލި މައްސަލަ އާއި އަދި އިދިކޮޅު އެންމެ ބޮޑު ޕާރޓީ އާއި ވަނީ ކިހާ ގާތް ގުޅުމެއް ކަން މިކަމުން. ސަރުކާރުން ޖެހޭނެ އިދިކޮޅު ފަރާތް ތަކުގެ ހަރަކާތް ވަރަށް ރަނގަޅަށް ބަލާ ދިރާސާ ކުރުމަށް ފަހު އިދިކޮޅު ފަރާތް ތަކުގެ ބޮޑުން ތައް މިއަދު ވަގުތުން މައިދާނުން އުފުރާލަން. އަދި ވަކި މުއްދަތެއް ނެތް ގޮތަށް ޖަމުގައި ޖެހޭނެ އެބައިމީހުން ބައިތިއްބަން. އެއިރުން ދެން މިރާއްޖެ އިގްތިސާދު ކުރިއަށް ދުއްވައިގަންނާނީ..

ރަނގަޅު

ސަންގުޓީވީ ގައި ހުރި ހާރޑް ޑިސްކް ތައް ފުލުހުން ގެންދަން ޖެހޭނެ ފުލުހުން ބަލަމުން ގެންދާ މައްސަލަ އަށް އެ ހާރޑް ޑިސްކް ތައް ބޭނުންވާނަމަ. އެއީ އެއްވެސް މައްސަލަ އެއް ނޫނެވެ. ސަންގު ޓީވީ އަކީ އެއީ ބްރޯ ފަންޑް ކޮށްގެން ހިންގާ ޓީވީ އަކަށް ވެފައި އަދި ރާއްޖެޓީވީގެ ވެސް ބޮޑު ހިއްސާ މިހާރު ނުސީދާ ކޮށް އޮންނަނީ ބްރޯ އަތުގައި ކަމަށްވެފައި އަދި ވަގުތު އޮންލައިން ނޫސް ވެސް ބްރޯ ގަނެފައިވާ ތީވެ އެ ތަންތަނުގެ ހާރޑް ޑިސްކް ބަލާ ފާސް ކުރުމަކީ އެއީ ކޮންމެހެން ކުރަން ޖެހޭ ކަމެކެވެ. އެކަން ނުކޮށްފިނަމަ މާދަމާ މިގައުމަށް ދިމާވާ ހިތާމަވެރި ގޮތް މާ ބޮޑު ވާނެއެވެ. ރާއްޖެ ޓީވީ އާއި އަދި ސަންގު ޓީވީން ފަތުރާ ޚަބަރު ތަކުން އާންމުން ނަށް އޮޅުން އަރާ ސަރުކާރާއި ރައްޔިތުން ޖެހުން ނޫން އެހެން ކަމެއް ނުވެއެވެ. މިކަމުގައި އެބަޖެހޭ ސްޕްރީމް ކޯޓުން ރޫލިންގް އެއްވެސް ނެރެން ރާއްޖޭގައި ބްރޯޑް ކާސްޓް ކުރާ ފަރާތް ތަކުން ބްރޯޑް ކާސްޓް ކުރާއިރު ސަރުކާރާއި ދެކޮޅަށް ޚަބަރެއް ގެނެސްދޭނަމަ އެކަން ސާބިތު ނުހިފޭ ޚަބަރެއް ވާނަމަ އެފަދަ ޚަބަރެއް ގެނެސްދިން ބްރޯޑް ކާސްޓް ކުރާ ޗެނަލެއް 5 އަހަރު ދުވަހަށް ސަސްޕެންޑް ކުރެވޭނެ ކަމަށް. މިއުސޫލުން މިކަން ކޮށްގެން މެނުވީ މިގައުމަށް ސަލާމަތުގެ އައްސޭރި އަށް ނުދެވޭނެއެވެ.

April
SunMonTueWedThuFriSat
303112345678910111213141516171819202122232425262728293012345678910