ލޯންޗެއް އަޑިޔަށް ގޮސް އޭގެން ދަތުރުކުރި ކުޑަކުއްޖަކު ގެއްލިއްޖެ އެވެ.
އެމްއެންޑީއެފުން ދެންމެ ބުނީ އޮޅުވެލި ރިސޯޓް ކައިރިން ލޯންޗެއް އަޑިއަށް ގޮސްފައިވާ ކަމުގެ ރިޕޯޓް ލިބިފައިވާ ކަމަށެވެ. ލޯންޗުގައި ތިބީ 12 މީހުނެވެ. އޭގެ ތެރޭގައި ކުޑަ ދެ ކުދިންވެސް ހިމެނެއެވެ.
މިހާތަނަށް ސާފުކުރެވިފައިވާ މައުލޫމާތުތަކުން އެއް ކުއްޖަކު ވަނީ ގެއްލިފައެވެ.
ފުލުހުން ބުނީ މާލެ އިން ވ އަތޮޅަށް ދަތުރުކުރަމުންދިޔަ ލޯންޗެއް އޮޅުވެލި ކައިރިން ނެގި ރާޅެއްގައި ޖެހި ތިން މީހަކު މޫދަށް ވެއްޓިފައިވާ ކަމަށެވެ. އެ ހާދިސާ ހިނގީ ހަވީރު 5:10 ގައެވެ. މި ހާދިސާގައި ލޯންޗުން މޫދަށް ވެއްޓުނު ތިން މީހުންގެ ތެރެއިން ދެ މީހަކު މިހާރު ވަނީ ފެނިފައެވެ. ހަބަރެއް ނުވެ ވަނީ އުމުރުން ހަތަރު އަހަރުގެ ކުއްޖެއް ކަމަށް ފުލުހުން ބުންޏެވެ.
އެ ލޯންޗު މިހާރު ވަނީ ގުރައިދޫ ފަޅަށް ވައްދާފައެެވެ.
އެ ސަރަހައްދުގައި ފުލުހުން މިހާރު ދަނީ ހަރަކާތްތެރިވަމުންނެވެ.
