ހެންވޭރުގެ ގެެއެއްގައި އުމުރުން ދުވަސްވީ މީހަކު މަރުވެފައި އޮއްވާ ފެނިއްޖެ އެވެ.
ފުލުހުން ބުނީ އެ މީހާ މަރުވެފައި އޮއްވާ ފެނިގެން ރިޕޯޓް ކުރީ މިއަދު މެންދުރު 2:30 ގައި ކަމަށެވެ. މަރުވެފައި އޮއްވާ ފެނުނީ 83 އަހަރުގެ މީހެކެވެ.
ފުލުހުން ބުނީ އެ މީހާ މިހާރު އައިޖީއެމްއެޗްއަށް ގެންގޮސްފައިވާ ކަމަށާއި އަދި އެކަމާ ގުޅިގެން ބަލަން ޖެހޭ ކަންކަން ބަލަމުންދާ ކަމަށެވެ.
މާލޭގެ ގެއެއްގެ ތެރޭގައި މަރުވެފައި އޮތް މީހަކު މިމަހުގެ 14 ވަނަ ދުވަހު ވެސް ފެނިފައި ވެއެވެ. އެ މީހާ ފެނުނު އިރު އޮތީ ކުނި ވެސް ވެފައެވެ.