ސީރިޔާގައި ހާލުގައި ޖެހުނު ދިވެހިން އަނބުރާ ރާއްޖެއަށް ގެނައުމުގެ މަސައްކަތް ސަރުކާރުން ފަށައިފި އެވެ.
ސީރިޔާގައި ހިނގަމުންދާ ދާހިލީ ހަނގުރާމައިގައި ބައިވެރިވުމަށް އެގައުމަށް މީގެ އަހަރުތަކެއް ކުރިން ގޮސް އުޅެނިކޮށް ހާލުގައި ޖެހުނު ދިވެހިން ގެނައުމުގެ މަސައްކަތް ކުރަނީ ހޯމްލޭންޑް ސެކިއުރިޓީ މިނިސްޓްރީ އާއި ފުލުހުންނެވެ.
ސަރުކާރުގެ އިސް އޮފިޝަލަކު ވިދާޅުވީ ސީރިއާގައި ހާލުގައި ޖެހުނު ދިވެހިންގެ ތެރޭގައި ތިބީ އަންހެނުންނާއި އެ މީހުންގެ ދަރިން ކަމަށެވެ.
އެ މީހުން މުޖުތަމައަށް ނެރުމުގެ ކުރިން ރިހެބިލިޓޭޓްކުރަން ބައި ތިއްބާނީ ކ. ހިންމަފުށީގައި ގާއިމުކޮށްފައިވާ ނޭޝަނަލް ރީއިންޓަގްރޭޝަން ސެންޓަރުގައި ކަމަށްވެސް އޮފިޝަލް ވިދާޅުވި އެވެ.
ކުރީގެ ސަރުކާރުން ހާމަކޮށްފައިވާ ގޮތުން 100 އަށްވުރެ ގިނަ މީހުން ހަނގުރާމައަށް ސީރިޔާއަށް ގޮސްފައިވެ އެވެ. އޭގެ ތެރެއިން 70 އެއްހާ މީހުން ވަނީ މަރުވެފަ އެވެ.