ގއ. ދާންދޫ މަގުމަތިން މަރުވެފައި އޮތް މީހަކު ފެނިއްޖެ އެވެ.
ފުލުހުން ބުނި ގޮތުގައި މަރުވެފައި އޮއްވާ ފެނުނީ ދާންދޫ، ނަގަހެލަގޭ އަހުމަދު އަބްދުﷲ (33އ) އެވެ.
އޭނާ އެރަށު ފެނަކަ ބްރާންޗްގެ ހުޅަނގު ފަރާތު މަގު މައްޗަށް ވެއްޓިފައި އޮތްކަމުގެ ރިޕޯޓް ލިބުނީ މިއަދު ހެނދުނު 8:10 ހާއިރު ކަމަށް ފުލުހުން ބުންޏެވެ.
ފުލުހުން ބުނީ އޭނާ އެރަށު ހެލްތު ސެންޓަރަށް ގެންދިޔައިރުވެސް މަރުވެފައިވާ ކަމަށް އެ ސެންޓަރުން ފުލުހުންނަށް މައުލޫމާތު ދީފައިވާ ކަމަށެވެ.
ފުލުހުން ދަނީ މި މައްސަލަ ތަހުގީގު ކުރަމުންނެވެ.