ވިލިމާލެ ގެއެއްގެ ތެރޭގައި ދުވަސްވީ މީހަކު މަރުވެފައި އޮއްވާ ފެނިގެން ފުލުހުން އެ މައްސަލަ ތަހުގީގު ކުރަން ފަށައިފި އެވެ.
ފުލުހުން ބުނީ، ވިލިމާލެ ގެއެއްގެ ތެރޭގައި މީހަކު މަރުވެފައި އޮތްކަމުގެ ރިޕޯޓެއް ލިބިފައި ވަނީ، މިރޭ 10:00 އެހާކަންހާއިރު އެވެ. އަދި ފުލުހުން އެ ގެއަށް ގޮސްބެލިއިރު މަރުވެފައި އޮތީ 60 އަހަރުގެ ފިރިހެނެއް ކަމަށް ވެސް ފުލުހުން ބުންޏެވެ. އިތުރު މައުލޫމާތެއް ފުލުހުން ހާމަނުކޮށް ހަމައެކަނި ބުނީ އެ މައްސަލަ އިތުރަށް ތަހުގީގު ކުރަމުން އަންނަ ކަމަށެވެ.